PM Budget | മൂന്ന് പ്രധാനമന്ത്രിമാരും ബജറ്റ് അവതരിപ്പിച്ചു; കാരണമുണ്ട്! ചരിത്രത്തിൽ ഇങ്ങനെയും സംഭവിച്ചിട്ടുണ്ട്

1. ജവഹർലാൽ നെഹ്‌റു:

ഇന്ത്യയുടെ ആദ്യ പ്രധാനമന്ത്രി ജവഹർലാൽ നെഹ്‌റു പ്രധാനമന്ത്രിയായിരിക്കെ പാർലമെന്റിൽ ബജറ്റ് അവതരിപ്പിച്ചു. നെഹ്‌റു രണ്ടുതവണ രാജ്യത്തിന്റെ ധനമന്ത്രിയായും ചുമതല വഹിച്ചിട്ടുണ്ട്. ആദ്യമായി 1956 ജൂലൈ 24 മുതൽ 1956 ഓഗസ്റ്റ് 30 വരെയും പിന്നീട് 1958 ഫെബ്രുവരി 13 മുതൽ 1958 മാർച്ച് 13 വരെയും അദ്ദേഹം ധനമന്ത്രിയായി. രണ്ടാമതായി, നെഹ്‌റു 29 ദിവസം മാത്രമാണ് ധനമന്ത്രിയായി ഉണ്ടായിരുന്നത്. എന്നാൽ യാദൃശ്ചികമായി അദ്ദേഹത്തിന് ബജറ്റ് അവതരിപ്പിക്കേണ്ടി വന്നു. അന്നത്തെ നെഹ്‌റു സർക്കാരിലെ ധനമന്ത്രി ടി.ടി.കൃഷ്ണമാചാരിക്ക് മുന്ദ്ര അഴിമതിയെത്തുടർന്ന് സ്ഥാനമൊഴിയേണ്ടി വന്നതാണ് ഇതിന് കാരണമായത്.

2. ഇന്ദിരാഗാന്ധി

ജവഹർലാൽ നെഹ്‌റുവിന് ശേഷം മകൾ ഇന്ദിരാഗാന്ധി ബജറ്റ് അവതരിപ്പിച്ച രാജ്യത്തിന്റെ രണ്ടാമത്തെ പ്രധാനമന്ത്രിയായി. വാസ്തവത്തിൽ, ഇന്ദിരാഗാന്ധിയുടെ മന്ത്രിസഭയിൽ ധനമന്ത്രിയായിരുന്ന മൊറാർജി ദേശായി രാജിവച്ചതിനെ തുടർന്ന് ഇന്ദിരാഗാന്ധി ധനമന്ത്രിയുടെ ചുമതല ഏറ്റെടുക്കുകയായിരുന്നു. ഇതിന്റെ ഫലമായി 1970-71 സാമ്പത്തിക വർഷത്തേക്കുള്ള ബജറ്റ് അവതരണ അവസരവും ഇന്ദിരാഗാന്ധിക്ക് ലഭിച്ചു.

3. രാജീവ് ഗാന്ധി

പ്രധാനമന്ത്രിയായിരിക്കെ പാർലമെന്റിൽ ബജറ്റ് അവതരിപ്പിച്ച മൂന്നാമത്തെയും ഒടുവിലത്തേയും വ്യക്തിയാണ് രാജീവ് ഗാന്ധി. മൂവരും ഗാന്ധി-നെഹ്‌റു കുടുംബത്തിൽ നിന്നുള്ളവരാണ് എന്നതാണ് മറ്റൊരു പ്രത്യകത. രാജീവ് ഗാന്ധി സർക്കാരിലെ ധനമന്ത്രിയായിരുന്ന വി പി സിംഗ് പുറത്തായതോടെ രാജീവ്ഗാന്ധി ധനമന്ത്രിയായി ചുമതലയേൽക്കുകയും 1987-88 സാമ്പത്തിക വർഷത്തേക്കുള്ള പൊതുബജറ്റ് അവതരിപ്പിക്കുകയും ചെയ്തു.

Keywords: News, National, New Delhi, Income Tax, Budget, Finance, Govt, PM Kisan, Prime ministers who presented the Union Budget.
< !- START disable copy paste -->