Police | കടത്തിക്കൊണ്ട് പോയതായി പരാതിയുള്ള കാർ അഭിഭാഷകന്റെ ഓഫീസ് പരിസരത്ത് നിന്ന് കണ്ടെടുത്തു; വിശദീകരണവുമായി എതിർകക്ഷികൾ; പൊലീസ് അന്വേഷണം

കാസർകോട്: (KasargodVartha) കടത്തിക്കൊണ്ട് പോയതായി പരാതിയുള്ള കാർ അഭിഭാഷകന്റെ ഓഫീസ് പരിസരത്ത് നിന്ന് പൊലീസ് കണ്ടെടുത്തു. കോട്ടിക്കുളം ബദ്‌രിയ നഗർ പാക്യാരയിലെ ഖൈറുന്നീസയുടെ ഭർത്താവ് പരേതനായ മുഹ്‌നുദ്ദീന്റെ പേരിലുള്ള കെ എൽ 60 ആർ 0169 എന്ന ടൊയോട ഗ്ലാൻസ കാറാണ് വിദ്യനഗറിലെ അഭിഭാഷകൻ്റെ ഓഫീസ് പരിസരത്ത് നിന്ന് ബേക്കൽ പൊലീസ് കസ്റ്റഡിയിലെടുത്തത്.
  
2021 ഫെബ്രുവരി 12ന് ഭർത്താവിന്റെ സഹോദരിയുടെ ഭർത്താവ് മുനീർ എന്നയാൾ തന്റെ അറിവോ സമ്മതമോ ഇല്ലാതെ കാർ കടത്തിക്കൊണ്ട് പോയെന്ന് കാണിച്ച് ഖൈറുന്നീസ ഹൊസ്ദുർഗ് കോടതിയെ സമീപിച്ചിരുന്നു. കോടതി നിർദേശപ്രകാരം ബേക്കൽ പൊലീസ് കഴിഞ്ഞ ദിവസം കേസ് രജിസ്റ്റർ ചെയ്യുകയായിരുന്നു. ഇതിന് പിന്നാലെയാണ് കാർ പൊലീസ് കസ്റ്റഡിയിലെടുത്തത്.