Join Whatsapp Group. Join now!
Aster MIMS 10/10/2023

Padma Shri | സത്യനാരായണ ബേളേരിക്ക് പത്മശ്രീ അര്‍ഹതയ്ക്കുള്ള അംഗീകാരം; 12 വര്‍ഷമായി അപ്രത്യക്ഷമായിക്കൊണ്ടിരിക്കുന്ന ദേശി അരിയുടെ സംരക്ഷകന്‍

ദേശി അരിയുടെ സംരക്ഷണത്തിനും മെച്ചപ്പെടുത്തലിനും വേണ്ടി പ്രവര്‍ത്തിക്കുകയാണ് ഈ നെല്‍കര്‍ഷകന്‍
കാസര്‍കോട്: (KasargodVartha) രാജ്യം പരമാധികാര റിപ്പബ്ലിക് ദിനം ആചരിക്കുമ്പോള്‍ സത്യനാരായണ ബേളേരിക്ക് നല്‍കിയ പത്മശ്രീ അദ്ദേഹത്തിന് അര്‍ഹതയ്ക്കുള്ള അംഗീകാരമാണ്. 12 വര്‍ഷമായി അപ്രത്യക്ഷമായിക്കൊണ്ടിരിക്കുന്ന ദേശി അരിയുടെ സംരക്ഷകനാണ് കാസര്‍കോട് ജില്ലയിലെ ബെള്ളൂര്‍ ഗ്രാമപഞ്ചായതിലെ നെട്ടണിഗെ ഗ്രാമത്തിലെ ഒരു സാധാരണ കര്‍ഷക കുടുംബ പശ്ചാത്തലത്തില്‍ നിന്നുള്ള സത്യനാരായണ ബേളേരി.
  
Kasaragod, Kerala, News, Rice, Deshi Rice, Padma Awards, Awards, Padma Shri winner Satyanarayana Belleri; Protector of Deshi rice which has been missing for 12 years.

ദേശി അരിയുടെ സംരക്ഷണത്തിനും മെച്ചപ്പെടുത്തലിനും വേണ്ടി പ്രവര്‍ത്തിക്കുകയാണ് ഈ നെല്‍കര്‍ഷകന്‍. പതിറ്റാണ്ടുകള്‍ക്ക് മുമ്പ് മുതിര്‍ന്ന ഗാന്ധിയനും കാര്‍ഷിക സന്യാസിയുമായ ചെര്‍ക്കാടി രാമചന്ദ്രരായ നല്‍കിയ ഒരുപിടി ദേശി നെല്ലിനമായ രാജ് കയമയില്‍ ആരംഭിച്ച അദ്ദേഹത്തിന്റെ പ്രവര്‍ത്തനം ഇപ്പോള്‍ 650 ലധികം ഇനങ്ങളുടെ സംരക്ഷണത്തിലേക്ക് വളര്‍ന്നു.

രാജ് കയമ, ഗന്ധശാല, അതികര, സുഗ്ഗികായമ, രാജമുടി, രാജ് ഭോഗ, ഞവര, മൈസൂര്‍ രാജാക്കന്മാര്‍ ഉപയോഗിച്ചിരുന്ന, ഉപ്പുവെള്ളത്തില്‍ പോലും വിളയുന്ന കഗ്ഗ, വരള്‍ചയെ പ്രതിരോധിക്കുന്ന ചെറുനെല്ല്, അവലക്കിക്കുള്ള സ്വരത, ഫിലിപീന്‍സിലെ മനില, സുശ്രുതന്റെ കാലത്തെ കലമേ, കാലാനമക്ക്, ബുദ്ധന്റെ കാലം, പര്‍പിള്‍ ഡംബാര്‍ കാളി, കാര്‍ റെഡ് റൈസ്, കാലാബത്തി, നസര്‍ബാത്ത്, മണിപ്പൂര്‍, തമിഴ്‌നാട്, കേരളം, കര്‍ണാടക, ആന്ധ്രാപ്രദേശ്, മഹാരാഷ്ട്ര, ഒഡീഷ തുടങ്ങി ഇന്‍ഡ്യയിലെ മിക്ക പ്രദേശങ്ങളില്‍ നിന്നുമുള്ള അരി ഇനങ്ങളുടെ ശേഖരം അദ്ദേഹത്തിനുണ്ട്.

തദ്ദേശീയ വിത്ത് വൈവിധ്യം സംരക്ഷിക്കുന്ന വ്യക്തികള്‍ക്കും സംഘടനകള്‍ക്കും കേന്ദ്ര കൃഷി വകുപ്പ് നല്‍കുന്ന നാഷനല്‍ പ്ലാന്റ് ജീനോം സേവിയര്‍ ഫാര്‍മര്‍ റിവാര്‍ഡിന്റെ സ്വീകര്‍ത്താവാണ് അദ്ദേഹം. 2021 നവംബര്‍ 11 ന് ഡെല്‍ഹിയില്‍ നടന്ന ചടങ്ങില്‍ കേന്ദ്ര കൃഷി മന്ത്രി 1.5 ലക്ഷം രൂപയും ഫലകവും പ്രശസ്തിപത്രവും നല്‍കി അദ്ദേഹത്തെ ആദരിച്ചിരുന്നു.

ഗ്രാഫ്റ്റിംഗ്, തേനീച്ച വളര്‍ത്തല്‍, പ്ലാസ്റ്റര്‍ വര്‍ക്, മരപ്പണി, ഇലക്ട്രിക്, മോടോര്‍ റിവൈന്‍ഡിംഗ് ജോലികള്‍ എന്നിവയില്‍ വിദഗ്ധനായ അദ്ദേഹം രാജ്യത്തെ നിരവധി ദിനപത്രങ്ങളിലും മാസികകളിലും നിരവധി കവിതകളും ലേഖനങ്ങളും കാരികേചറുകളും പ്രസിദ്ധീകരിച്ചിട്ടുണ്ട്. എല്ലാ ഇനങ്ങളും പരമാവധി 6-8 മാസം വരെ ജീവിക്കുന്നു. അതിനാല്‍ അവ വര്‍ഷത്തില്‍ ഒരിക്കലെങ്കിലും മണ്ണില്‍ പാകുകയും പുതിയ വിത്തുകള്‍ ശേഖരിക്കുകയും വേണം. കീടനിയന്ത്രണം, എലി നിയന്ത്രണം, സമയബന്ധിതമായ വളം, പോഷകങ്ങള്‍ എന്നിവയുള്‍പെടെ ഈ ജോലിക്ക് ആവശ്യമായ സമയവും സംയമനവും ഏകാഗ്രതയും അദ്ദേഹത്തിന്റെ പത്മശ്രീ പുരസ്‌ക്കാരത്തിന് മാറ്റ് കൂട്ടുന്നു.

Keywords: Kasaragod, Kerala, News, Rice, Deshi Rice, Padma Awards, Awards, Padma Shri winner Satyanarayana Belleri; Protector of Deshi rice which has been missing for 12 years.

Post a Comment