Arrested | 13 ലക്ഷത്തിലധികം രൂപയുടെ വിദേശ കറൻസിയുമായി ഒരാൾ പിടിയിൽ; ഇൻഡ്യൻ രൂപയും കണ്ടെടുത്തു

രേഖകളില്ലാതെ കടത്തുകയായിരുന്ന 500 സഊദി റിയാലിന്റെ 120 കറൻസികളാണ് കണ്ടെടുത്തത്. ഇതിന് ഏകദേശം 13.24 ലക്ഷം രൂപ വിലവരും. കൂടാതെ 500 ഇൻഡ്യൻ രൂപയുടെ 65 നോടുകളും (32,500 രൂപ) പിടികൂടിയിട്ടുണ്ട്. ഐപിസി 102 വകുപ്പ് പ്രകാരം കേസെടുത്ത് പൊലീസ് കൂടുതൽ അന്വേഷണം നടത്തി വരികയാണ്.

കാസർകോട് ടൗൺ എസ്ഐ കെ പി വിനോദ് കുമാർ, ജില്ലാ പൊലീസ് മേധാവിയുടെ സ്‌ക്വാഡ് അംഗങ്ങളായ രജീഷ് കാട്ടാമ്പള്ളി, നിജിൻ, കാസർകോട് ടൗൺ സ്റ്റേഷനിലെ പൊലീസ് ഉദ്യോഗസ്ഥൻ പ്രദീപൻ എന്നിവരടങ്ങിയ സംഘമാണ് പണം പിടികൂടിയത്.