Leprosy Battle | കുഷ്ഠരോഗ കേസുകളുടെ എണ്ണം കൂടുന്നു; നിർമാർജനത്തിനായി പ്രത്യേക കർമ പദ്ധതിയുമായി കാസർകോട് നഗരസഭ

കാസർകോട്: (KasargodVartha) നഗരസഭയിലും സമീപ പഞ്ചായത്തുകളിലും കുഷ്ഠരോഗ കേസുകളുടെ എണ്ണം ക്രമാതീതമായി കൂടി വരുന്ന സാഹചര്യത്തിൽ നിർമ്മാർജനത്തിനായി നഗരസഭ പ്രത്യേക കർമ്മ പദ്ധതി തയ്യാറാക്കി. ആരോഗ്യ സ്റ്റാൻ്റിംഗ് കമ്മിറ്റി ചെയർമാൻ ഖാലിദ് പച്ചക്കാടിൻ്റെ അദ്ധ്യക്ഷതയിൽ ചേർന്ന വിവിധ വകുപ്പ് മേധാവികളുടെ ഏകോപന യോഗത്തിലാണ് കർമ്മ പദ്ധതിക്ക് അന്തിമ രൂപമായത്.
  
കാസർകോട് ജനറൽ ആശുപത്രി ഡെപ്യൂട്ടി സൂപ്രണ്ട് ഡോ. ജമാൽ അഹമ്മദ് വിവിധ പരിപാടികൾ ഉൾക്കൊള്ളുന്ന ഒരു വർഷം നീണ്ടു നിൽക്കുന്ന കർമ്മ പദ്ധതി വിശദീകരിച്ചു. ജില്ലാ ലെപ്രസി ഓഫീസർ ഡോ. സന്തോഷ് രോഗികളെ കണ്ടെത്തുന്നതിനും ചികിത്സിക്കുന്നതിനുമുള്ള മാർഗങ്ങൾ വിശദീകരിച്ചു.