Saved a life | ട്രെയിന് നേരെ കല്ലേറ്: അന്വേഷിക്കാനെത്തിയ റെയില്‍വേ പൊലീസ് രക്ഷിച്ചത് ഒരു ജീവന്‍, സംഭവം കാഞ്ഞങ്ങാട്ട്

മാതോത്ത് ക്ഷേത്രത്തില്‍ ഉത്സവം കഴിഞ്ഞ് പോകുകയായിരുന്ന കുട്ടികളാണ് ട്രെയിനിന് കല്ലെറിഞ്ഞതെന്നാണ് വ്യക്തമായിട്ടുള്ളത്. ഇവര്‍ ആരാണെന്ന് കണ്ടെത്താനുള്ള അന്വേഷണം റെയില്‍വെ പൊലീസ് നടത്തി വരുന്നുണ്ട്. അന്വേഷണത്തിന്റെ ഭാഗമായി ട്രാകിന് സമീപം പരിശോധിക്കുന്നതിനിടയിലാണ് ഓടോ റിക്ഷ ഡ്രൈവറെ ചന്ദ്രനെ ട്രാകിന് സമീപം അവശനിലയില്‍ നില്‍ക്കുന്നത് കണ്ടത്. ഇദ്ദേഹത്തെ സമീപിച്ച് കാര്യങ്ങള്‍ ചോദിച്ചറിഞ്ഞതോടെയാണ് ട്രെയിനിന് മുന്നില്‍ ചാടാനെത്തിയതാണെന്ന് വ്യക്തമായത്.

കാരണം ചേദിച്ചപ്പോള്‍ സാമ്പത്തിക പ്രയാസം കാരണം ജീവിതം അവസാനിപ്പിക്കാന്‍ തീരുമാനിച്ചെത്തിയതാണെന്ന് പറഞ്ഞു. എല്ലാ പ്രശ്നവും പരിഹരിക്കാമെന്ന് പറഞ്ഞ് അനുനയിപ്പിച്ച് കൂട്ടികൊണ്ടുപോയ ചന്ദ്രനെ കാഞ്ഞങ്ങാട് ജനമൈത്രി പൊലീസിനെ ഏല്‍പിച്ചിട്ടുണ്ട്. ഇദ്ദേഹത്തിന്റെ പ്രശ്നം പരിഹരിക്കുന്നതിന് ശ്രമം നടത്തുമെന്ന് പൊലീസ് കൂട്ടിച്ചേര്‍ത്തു.