Theft | വടി ഉപയോ​ഗിച്ച് ജനൽ വഴി കവർച്ച: നഷ്ടമായത് 1.8 ലക്ഷത്തിന്റെ സ്വർണാഭരണങ്ങളും പണവും; മോഷ്ടാവിനെ തേടി പൊലീസ്

ബേക്കൽ: (KasargodVartha) വീട്ടില്‍ നിന്ന് സ്വർണാഭരണങ്ങൾ ജനൽ വഴി മോഷ്ടിച്ചു. കീക്കാനം ചേറ്റുകുണ്ടിലെ പവിത്രന്റെ ഭാര്യ രമ്യയുടെ ആഭരണങ്ങളാണ് നഷ്ടമായത്. വ്യാഴാഴ്ച പുലർച്ചെ നാല് മണിക്കും 4.30 മണിക്കും ഇടയിലായിരുന്നു സംഭവം.
  
വീടിന്റെ കിടപ്പു മുറിയിലെ ടേബിളിന്റെ മുകളിൽ ഹാൻഡ്‌ബാഗിൽ സൂക്ഷിച്ചിരുന്ന 18,1500 രൂപ വില വരുന്ന നാലേ കാൽ പവൻ സ്വർണ മാലയും, കാൽ പവൻ തൂക്കം വരുന്ന സ്വർണ മോതിരവും 1500 രൂപയുമാണ് മോഷണം പോയത്.
  
മരവടി ഉപയോഗിച്ച് ജനൽ വഴിയയായിരുന്നു കവർച്ചയെന്ന് പരാതിയിൽ പറയുന്നു. പരാതിയുടെ അടിസ്ഥാനത്തിൽ ഐപിസി 447, 341, 323, 506 വകുപ്പുകൾ പ്രകാരം ബേക്കൽ പൊലീസ് കേസെടുത്ത് അന്വേഷണം നടത്തിവരികയാണ്.


Keywords: News, Top-Headlines, Malayalam-News, Kasargod, Kasaragod-News, Kerala, Kerala-News, Theft,  Gold Jewellery,  Gold jewellery, cash stolen from house. < !- START disable copy paste -->