Obituary | സിഗരറ്റ് ലൈറ്റര്‍ കത്തിക്കുന്നതിനിടെ പെട്രോളിന് തീപ്പിടിച്ച് പൊള്ളലേറ്റയാൾ മരിച്ചു

കാഞ്ഞങ്ങാട്: (KasargodVartha) സിഗരറ്റ് ലൈറ്റര്‍ കത്തിക്കുന്നതിനിടെ പെട്രോളിന് തീപ്പിടിച്ച് പൊള്ളലേറ്റ് ചികിത്സയിലായിരുന്നയാൾ മരിച്ചു. മാലോം കൊന്നക്കാട് അശോകച്ചാലിലെ തോമസിന്റെ മകൻ റെജി തോമസ് (47) ആണ് മരിച്ചത്. ജനുവരി ഒന്നിന് പുലർച്ചെ 1.30 മണിയോടെ വീട്ടിൽ വെച്ചായിരുന്നു സംഭവം.
  
സിഗരറ്റ് ലൈറ്റര്‍ കത്തിക്കുന്നതിനിടയിൽ അബദ്ധത്തിൽ, വീട്ടിൽ സൂക്ഷിച്ചിരുന്ന പെട്രോളിന് തീപ്പിടിക്കുകയായിരുന്നു. ഗുരുതരമായി പൊള്ളലേറ്റ് മംഗ്ളൂറിലെ ആശുപത്രിയിൽ ചികിത്സയിലിരിക്കെയാണ് മരണം സംഭവിച്ചത്. വെള്ളരിക്കുണ്ട് പൊലീസ് ഇൻക്വസ്റ്റ് നടത്തി. ഭാര്യയും രണ്ട് മക്കളുണ്ട്.
  

Keywords: News, Top-Headlines, Kasargod, Kasaragod-News, Kerala, Kerala-News, Kanhangad, Fire, Petrol, Hospital, Vellarikundu, Police, Fire accident: Injured man died.