Bekal Fest | നാടിന് ഉത്സവ ദിനരാത്രങ്ങൾ സമ്മാനിച്ച ബേക്കൽ ഫെസ്റ്റിന് ഉജ്വല സമാപനം; ആഘോഷത്തിമിർപ്പിൽ പുതുവർഷത്തെ വരവേറ്റ് ജനക്കൂട്ടം; അടുത്ത വർഷവും ഡിസംബറിൽ ബീച് ഫെസ്റ്റ് നടത്തുമെന്ന് അഡ്വ. സി എച് കുഞ്ഞമ്പു എംഎൽഎ

അഡ്വ. സി എച് കുഞ്ഞമ്പു എംഎൽഎ സമാപന സമ്മേളനം ഉദ്ഘാടനം ചെയ്തു. ഇത് ജനങ്ങളുടെ മഹോത്സമാണ്, എല്ലാവർക്കും വേണ്ടത് സന്തോഷമാണ്. ഇത്തവണ ജനപ്രവാഹമാണ് ഉണ്ടായതെന്നും അടുത്ത വർഷവും ഡിസംബറിൽ ബീച് ഫെസ്റ്റ് നടത്തുമെന്നും അദ്ദേഹം പറഞ്ഞു. ജില്ലാ പഞ്ചായത് പ്രസിഡന്റ് ബേബി ബാലകൃഷ്ണൻ അധ്യക്ഷത വഹിച്ചു.

കാഞ്ഞങ്ങാട് ബ്ലോക് പഞ്ചായത് പ്രസിഡന്റ് കെ മണികണ്ഠൻ, മുൻ എംഎൽഎ കെ വി കുഞ്ഞിരാമൻ, കുടുംബശ്രീ ജില്ലാ മിഷൻ കോർഡിനേറ്റർ ടി ടി സുരേന്ദ്രൻ, പ്രോഗ്രാം കമിറ്റി ചെയർമാൻ ഹകീം കുന്നിൽ, വി രാജൻ, കെ ഇ എ ബകർ എന്നിവർ സംസാരിച്ചു. ബിആർഡിസി എംഡി ഷിജിൻ പറമ്പത്ത് സ്വാഗതവും മാനജർ കെ എം രവീന്ദ്രൻ നന്ദിയും പറഞ്ഞു.

ഉത്തര മലബാറിലെ ഏറ്റവും വലിയ ആഘോഷമായി ബേക്കല്‍ ഫെസ്റ്റ് രണ്ടാം സീസണും മാറുന്ന കാഴ്ചയാണ് കാണാനായത്. പ്രശസ്തരായ കലാകാരന്മാരുടെ സാന്നിധ്യം ഫെസ്റ്റിന് മാറ്റുകൂട്ടി. കാസർകോട് നിന്നും പുറത്തുനിന്നുമായി അനവധി പേരാണ് ഒഴുകിയെത്തിയത്. ഫെസ്റ്റ് വൻവിജയമാക്കുന്നതിൽ അഡ്വ. സി എച് കുഞ്ഞമ്പു എംഎല്‍എ നേതൃത്വം നല്‍കുന്ന സംഘാടക സമിതിയുടെ മികവും കയ്യടി നേടി.

അവസാന രാവിൽ തിളങ്ങി കാസർകോടൻ നക്ഷത്രങ്ങൾ