Join Whatsapp Group. Join now!
Aster MIMS 10/10/2023

Ayushman Card | ലക്ഷങ്ങളടെ സൗജന്യ ചികിത്സ വേണോ? ആയുഷ്മാൻ കാർഡിന് അപേക്ഷിക്കുമ്പോൾ ഈ 3 രേഖകൾ ആവശ്യമാണ്, ഇല്ലെങ്കിൽ, അപേക്ഷ റദ്ദാക്കപ്പെടും! ശ്രദ്ധിക്കേണ്ട കാര്യങ്ങൾ

കേന്ദ്ര സർക്കാർ പദ്ധതിയാണ് Ayushman, Health, ദേശീയ വാർത്തകൾ, Lifestyle
ന്യൂഡെൽഹി: (KasargodVartha) ജനങ്ങളെ സാമ്പത്തികമായി ശക്തിപ്പെടുത്തുന്നതിനും സഹായിക്കുന്നതിനുമായി കേന്ദ്ര സർക്കാർ വിവിധ തരത്തിലുള്ള പദ്ധതികൾ നടപ്പിലാക്കുന്നു. ഈ പദ്ധതികളിൽ ഒന്നാണ് ആയുഷ്മാൻ ഭാരത് യോജന, ഇതിന്റെ ആനുകൂല്യം ദശലക്ഷക്കണക്കിന് ഇന്ത്യക്കാർ പ്രയോജനപ്പെടുത്തുന്നു.

Ayushman card 2024: These 3 documents are necessary to make Ayushman card

ആയുഷ്മാൻ ഭാരത് യോജന പദ്ധതി പ്രകാരം പാവപ്പെട്ടവർക്കും നിർധനരായവർക്കും ആയുഷ്മാൻ കാർഡ് നൽകുന്നു. എന്നിരുന്നാലും, ആയുഷ്മാൻ കാർഡ് നേടുന്നതിനായി ചില പ്രധാന രേഖകൾ ഉണ്ടായിരിക്കണം. നിങ്ങൾക്ക് യോഗ്യതയുണ്ടെങ്കിൽ മാത്രമേ ആയുഷ്മാൻ കാർഡ് ലഭിക്കൂ.

അഞ്ച് ലക്ഷം രൂപ വരെ സൗജന്യ ചികിത്സ!

സർക്കാരിന്റെ ആയുഷ്മാൻ ഭാരത് പദ്ധതി പ്രകാരം കാർഡ് ഉടമയ്ക്ക് അഞ്ച് ലക്ഷം രൂപ വരെ സൗജന്യ ചികിത്സ ലഭിക്കും. ചികിത്സയ്ക്കിടെയുള്ള മുഴുവൻ ചിലവും സർക്കാരാണ് വഹിക്കുന്നത്. നിങ്ങളുടെ സാമ്പത്തിക സ്ഥിതി ദുർബലമാണെങ്കിൽ നിങ്ങളുടെ ആയുഷ്മാൻ കാർഡ് ഉണ്ടാക്കാം, എന്നാൽ ഇതിന് മൂന്ന് രേഖകൾ ആവശ്യമാണ്. ഇതിലേതെങ്കിലും കുറവാണെങ്കിൽ നിങ്ങളുടെ അപേക്ഷ റദ്ദാക്കിയേക്കാമെന്ന് ന്യൂസ് 24 റിപ്പോർട്ട് ചെയ്തു.

ആയുഷ്മാൻ കാർഡിന് എന്ത് രേഖകൾ ആവശ്യമാണ്?

* ആധാർ കാർഡ്
* റേഷൻ കാർഡ്
* വിലാസ തെളിവ്

ഇതിനെല്ലാം പുറമേ, അപേക്ഷകന് സജീവമായ ഒരു ഫോൺ നമ്പറും ഉണ്ടായിരിക്കണം.

എങ്ങനെ അപേക്ഷിക്കാം

നിങ്ങൾക്ക് ആയുഷ്മാൻ ഭാരത് സ്കീമിന് അർഹതയുണ്ടെങ്കിൽ ആവശ്യമായ എല്ലാ രേഖകളും സഹിതം അടുത്തുള്ള ജനസേവാ കേന്ദ്രം സന്ദർശിച്ച് ആയുഷ്മാൻ കാർഡിന് അപേക്ഷിക്കാം. അല്ലെങ്കിൽ ഔദ്യോഗിക വെബ്സൈറ്റ് സന്ദർശിച്ചും ഓൺലൈനിലൂടെ അപേക്ഷിക്കാവുന്നതാണ്.

ഓൺലൈൻ വഴി അപേക്ഷിക്കാൻ

1. ഔദ്യോഗിക വെബ്സൈറ്റ് https://nhm(dot)gov(dot)in/ സന്ദർശിക്കുക.
2. Click Here എന്ന ഓപ്ഷൻ ക്ലിക് ചെയ്യുക.
3. നിങ്ങളുടെ മുന്നിൽ ഒരു ബോക്സ് തുറക്കും, അതിൽ മൊബൈൽ ഫോൺ നമ്പറും ആധാർ നമ്പറും നൽകുക.
4. Submit ക്ലിക് ചെയ്യുക.
5. ലോഗിൻ ഐഡിയും പാസ്‌വേഡും ലഭിക്കും.
6. തുടർന്ന് ഹോം പേജിലേക്ക് തിരികെ വന്ന് Registration ഓപ്ഷനിൽ ക്ലിക് ചെയ്യുക.
7. ഇതിന് ശേഷം നിങ്ങളുടെ മൊബൈൽ നമ്പറിൽ ഒരു OTP വരും, അത് നൽകുക.
8. തുടർന്ന് Dashboard നിങ്ങളുടെ മുന്നിൽ കാണാം. അതിൽ ക്ലിക് ചെയ്താൽ Menu കാണാം.
9. തുടർന്ന് ഇവിടെയുള്ള Ayushman Card Self Registration ക്ലിക് ചെയ്ത് മുഴുവൻ ഫോമും പൂരിപ്പിക്കുക.
10.ആവശ്യപ്പെട്ട എല്ലാ രേഖകളും സ്കാൻ ചെയ്ത് അപ്‌ലോഡ് ചെയ്യുക. ഇതിനുശേഷം, അതിന്റെ രസീത് നിങ്ങളുടെ പക്കൽ സൂക്ഷിക്കുക.

മൊബൈൽ ആപ്പ് വഴി

ആദ്യം നിങ്ങളുടെ മൊബൈലിൽ 'ആയുഷ്മാൻ കാർഡ് ആപ്പ് ആയുഷ്മാൻ ഭാരത് (PM-JAY)' ഇൻസ്റ്റാൾ ചെയ്യണം. ഇതിനുശേഷം ഗുണഭോക്താവ് തന്റെ മൊബൈൽ നമ്പർ നൽകി രജിസ്റ്റർ ചെയ്യുക. തുടർന്ന്, ഒടിപി, ഐറിസ്, വിരലടയാളം, മുഖം അടിസ്ഥാനമാക്കിയുള്ള പരിശോധന എന്നിവയുടെ സഹായത്തോടെ രജിസ്ട്രേഷൻ നടപടികൾ പൂർത്തിയാക്കുക. ആവശ്യമായ രേഖകളും അപ്ലോഡ് ചെയ്യുക.

അതേസമയം കേരളം അടക്കം പല സംസ്ഥാനങ്ങളിലും ആയുഷ്മാൻ കാർഡിന് അപേക്ഷിക്കുന്ന ലിങ്കുകൾ നിലവിൽ പ്രവർത്തിക്കുന്നില്ലെന്നാണ് സാമൂഹ്യ മാധ്യമങ്ങളിൽ ഉപയോക്താക്കൾ അഭിപ്രായപ്പെടുന്നത്. ചില പ്രത്യേക സാഹചര്യങ്ങളിൽ ചിലർക്ക് കാർഡ് ലഭിച്ചതായും പറയുന്നു. സർക്കാറിൻ്റെ ഔദ്യോഗിക അറിയിപ്പുകളെ അടിസ്ഥാനമാക്കിയാണ് ഈ വിവരങ്ങൾ.

Keywords: News, National, New Delhi, Ayushman, Health, Lifestyle, Mobile App, Treatment, Central Government, Ayushman card 2024: These 3 documents are necessary to make Ayushman card.

< !- START disable copy paste -->

Post a Comment