Musical Night | കാസർകോടിനെ ആവേശത്തിമിർപ്പിലാക്കാൻ സംഗീത വിരുന്ന്; 1 എം നൈറ്റ് ജനുവരി 13ന് വിദ്യാനഗർ മുൻസിപൽ സ്റ്റേഡിയത്തിൽ

കാസർകോട്: (KasargodVartha) ലൈവ് സംഗീത വിരുന്ന് '1 എം നൈറ്റ്' ജനുവരി 13ന് വൈകുന്നേരം അഞ്ച് മണി മുതൽ വിദ്യാനഗർ മുൻസിപൽ സ്റ്റേഡിയത്തിൽ നടക്കുമെന്ന് സംഘാടകർ വാർത്താസമ്മേളനത്തിൽ അറിയിച്ചു. സിനിമാ താരവും സംവിധായകനുമായ രമേശ് പിഷാരടി, ഡാബ്സി, ബേബി ജീൻ, റിബിൻ റിച്ചാർഡ്, മാപ്പിളപ്പാട്ട് ഗായകരായ സജിലി സലീമും സംഘവും, പ്രശസ്‌ത നർത്തകി അന്ന പ്രസാദും സംഘവും ഉൾപെടെയുള്ള വമ്പൻ താരനിരയാണ് എത്തുന്നത്.
  
സിനിമാ താരം ശ്രീവിദ്യ മുല്ലച്ചേരിയാണ് പരിപാടിയുടെ അവതാരിക. 1 എം ഇവന്റ് മാനജ്‌മെന്റ് കംപനിയുടെ പരിപാടിയുടെ ടൈറ്റില്‍ സ്പോണ്‍സര്‍ സിറ്റി ഗോള്‍ഡ് ആണ്. പ്രൈം ലിയോണ്‍ ബിള്‍ഡേര്‍സ് ആണ് പരിപാടി അവതരിപ്പിക്കുന്നത്. നാലപ്പാട് ഇന്റീരിയേര്‍സ്, സ്റ്റാര്‍ ചെര്‍ക്കള എന്നിവ പിന്തുണയുമായുണ്ട്.