Inauguration | ശിറിബാഗിലുവിൽ യക്ഷഗാന മ്യൂസിയം ഉദ്‌ഘാടനം 26ന്; നിർമാണം 2.25 കോടി രൂപ ചിലവിൽ

രാജ് മോഹൻ ഉണ്ണിത്താൻ എംപി അധ്യക്ഷത വഹിക്കും. കർണാടക സ്പീകർ യു.ടി.ഖാദർ മുഖ്യാതിഥിയായിരിക്കും. എടനീർ മഠാധിപതി സച്ചിദാനന്ദ ഭാരതി സ്വാമി, മോഹൻദാസ് പരമഹംസ സ്വാമി, യോഗാനന്ദ സരസ്വതി സ്വാമി, നളിൻ കുമാർ കട്ടീൽ എം പി, എംഎൽഎമാരായ എൻഎ നെല്ലിക്കുന്ന്, എകെഎം അശ്റഫ്, രാജേഷ് നായക്, ഹരീഷ് പൂഞ്ച, കർണാടക മുൻ മന്ത്രി കോട്ട ശ്രീനിവാസ് പൂജാരി, മധൂർ പഞ്ചായത് പ്രസിഡന്റ് കെ ഗോപാലകൃഷ്ണ തുടങ്ങിയവർ സംബന്ധിക്കും.

വ്യവസായികളായ സദാശിവ ഷെട്ടി കുളൂർ യക്ഷഗാന മ്യൂസിയം ഉദ്ഘാടനവും കെ കെ ഷെട്ടി ഗ്രന്ഥശാല ഉദ്ഘാടനവും നിർവഹിക്കും. മറയലാഗ മഹാനുഭാവറു, സരിഗന്നഡ-സരി കന്നഡ എന്നീ പുസ്തകങ്ങളുടെ പ്രകാശനം, ധർമസ്ഥലമേളത്തിന്റെ നന്ദി നന്ദിനി യക്ഷഗാനം എന്നിവയും ഉദ്ഘാടന ഭാഗമായുണ്ടാകും.

രണ്ടേക്കാൽ കോടി രൂപ ചിലവിൽ മൂന്ന് നിലകളിലായാണ് പ്രമുഖ യക്ഷഗാന ഗവേഷകനും പരിപോഷകനും ഗ്രന്ഥകാരനുമായ ശിറിബാഗിലു വെങ്കപ്പയ്യയുടെ സ്മരണക്കായി രൂപവത്കരിച്ച ട്രസ്റ്റ് യക്ഷഗാന മ്യൂസിയം നിർമിച്ചത്. < !- START disable copy paste -->