Arrested | മയക്കുമരുന്ന് കേസുകളിൽ മുങ്ങിയ പ്രതികൾ അറസ്റ്റിൽ
Feb 6, 2023, 17:28 IST
മംഗ്ളുറു: (www.kasargodvartha.com) മയക്കുമരുന്ന് കേസുകളിൽ കോടതിയിൽ ഹാജരാവാതെ മുങ്ങിയ പ്രതികളെ പുത്തൂർ, ബെൽതങ്ങാടി പൊലീസ് അറസ്റ്റ് ചെയ്തു. 2009ൽ കഞ്ചാവ് കടത്തിയ കേസിൽ പുത്തൂർ പൊലീസ് അറസ്റ്റ് ചെയ്തിരുന്ന ദക്ഷിണ കന്നഡ ജില്ലയിലെ മുഹമ്മദ് ബശീർ (39) ജാമ്യത്തിൽ ഇറങ്ങി വിചാരണയ്ക്ക് ഹാജരാവാതെ മുങ്ങുകയായിരുന്നു.
കഴിഞ്ഞ അഞ്ചു വർഷങ്ങളിൽ നിരവധി തവണ നോടീസ് അയച്ചിട്ടും വിചാരണയ്ക്ക് ഹാജരാവാത്തതിനാൽ അറസ്റ്റ് വാറണ്ട് പുറപ്പെടുവിച്ചു. ബെൽതങ്ങാടി പൊലീസ് ചാർജ് ചെയ്ത കേസിൽ ജാമ്യത്തിൽ ഇറങ്ങി ആറു വർഷമായി ഒളിവിൽ കഴിഞ്ഞ അഞ്ജും ഖാനെയാണ് (41) ബെൽതങ്ങാടി പൊലീസ് അറസ്റ്റ് ചെയ്തത്. ചിക്കമംഗളൂറു ജില്ലയിലെ സ്വദേശിയായ ഇയാൾ കഞ്ചാവ് വിൽപനക്കിടെയാണ് 2016ൽ അറസ്റ്റിലായിരുന്നത്.
Keywords: Latest-News, Top-Headlines, Karnataka, Mangalore, Arrest Warrant, Arrested, Police, Crime, Court, Drugs, Suspects absconding in drug cases arrested.
Tags
Share this story
