Woman eloped | '2 കുട്ടികളെയും ഭർത്താവിനെയും ഉപക്ഷിച്ച് യുവതി ബസ് ജീവനക്കാരനൊപ്പം ഒളിച്ചോടി'; പൊലീസ് കേസെടുത്തു

കാസർകോട്: (www.kasargodvartha.com) രണ്ട് കുട്ടികളെയും ഭർത്താവിനെയും ഉപക്ഷിച്ച് യുവതി ബസ് ജീവനക്കാരനൊപ്പം ഒളിച്ചോടിയതായി പൊലീസ്. യുവതിയെ കാണാതായത് സംബന്ധിച്ച് ഭർത്താവ് നൽകിയ പരാതിയുട അടിസ്ഥാനത്തിൽ നടത്തിയ അന്വേഷണത്തിലാണ് ഇക്കാര്യം വ്യക്തമായതെന്ന് കാസർകോട് ടൗൺ പൊലീസ് അറിയിച്ചു.
             
കാസർകോട് ടൗൺ പൊലീസ് സ്റ്റേഷൻ പരിധിയിലെ ഉഷ (35) യെയാണ് കാണാതായത്. ജൂൺ 21ന് ജോലി കഴിഞ്ഞു തിരിച്ച് വീട്ടിൽ വന്നപ്പോൾ ഭാര്യയെ കാണാനില്ലായിരുന്നുവെന്ന് ഭർത്താവ് നൽകിയ പരാതിയിൽ പറയുന്നു. തുടർന്ന് ഫോൺ വിളിച്ചപ്പോൾ പിറ്റേദിവസം വരാമെന്ന് പറഞ്ഞതായും പിന്നീട് വന്നില്ലെന്നും ഭർത്താവ് പരാതിപ്പെട്ടു. 10, 12 വയസുള്ള കുട്ടികളുടെ മാതാവാണ് യുവതി.

അന്വേഷണത്തിൽ കർണാടക സ്വദേശിയും കുമ്പള പൊലീസ് സ്റ്റേഷൻ പരിധിയിൽ താമസക്കാരനുമായ ബസ് കൻഡക്ടറുടെ കൂടെ യുവതി പോയതായാണ് പൊലീസ് പറയുന്നത്. ഭർത്താവിന്റെ പരാതിയിൽ പൊലീസ് കേസെടുത്തിട്ടുണ്ട്. കൂടുതൽ അന്വേഷണം നടന്നുവരികയാണ്.
< !- START disable copy paste -->