നീലേശ്വരം താലൂക്ക് ആശുപത്രി, പെരിയ സാമൂഹികാരോഗ്യ കേന്ദ്രം എന്നിവിടങ്ങളിൽ വിദഗ്ധ ചികിത്സാ സൗകര്യമൊരുക്കിയതായി ജില്ലാ മെഡിക്കൽ ഓഫീസർ

കാസർകോട്: (www.kasargodvartha.com 21.10.2020) കാഞ്ഞങ്ങാട് ജില്ലാ ആശുപത്രി കോവിഡ് ചികിത്സാ കേന്ദ്രമാക്കി മാറ്റിയതോടെ അവിടെ ലഭിച്ചിരുന്ന വിദഗ്ധ ചികിത്സാ സൗകര്യം ജില്ലാ ആശുപത്രിയുടെ തൊട്ടടുത്തുള്ള നീലേശ്വരം താലൂക്ക് ആശുപത്രി, പെരിയ സാമൂഹികാരോഗ്യ കേന്ദ്രം എന്നിവിടങ്ങളിൽ നൽകി വരുന്നതായി ജില്ലാ മെഡിക്കൽ ഓഫീസർ (ആരോഗ്യം) ഡോ. എ വി രാംദാസ് അറിയിച്ചു. അവിടെ മുമ്പ് ലഭിച്ചിരുന്ന സേവനങ്ങൾക്കു പുറമെയാണ് ഈ സൗകര്യങ്ങൾ ഒരുക്കിയിട്ടുള്ളത്.

ജില്ലാ ആശുപത്രിയെ കോവിഡ് ആശുപത്രി ആകുന്നതിനു മുമ്പ് നീലേശ്വരം താലൂക്കാശുപത്രിയിൽ ജീവിതശൈലി രോഗനിർണയ ക്ലിനിക്ക്, 24 മണിക്കൂറും പ്രവർത്തിക്കുന്ന ഓ പി വിഭാഗം, അത്യാഹിത വിഭാഗം,കിടത്തി ചികിത്സാ സൗകര്യം, പ്രതിരോധ കുത്തിവെപ്പ്, സാന്ത്വന പരിചരണ വിഭാഗം, ദന്തരോഗ വിഭാഗം, ഫിസിയോതെറാപ്പി യൂണിറ്റ്, ഡീ അഡിക്ഷൻ സെന്റർ, കൗമാരക്കാരായ കുട്ടികൾക്കുള്ള ആർ കെ എസ് കെ പദ്ധതിയുടെ ഭാഗമായുള്ള കൗൺസിലിംഗ്, ജനറൽ മെഡിസിൻ, പീഡിയാട്രിക് ഓ പി, ഗൈനക്കോളജി, രാത്രി 10 മണി വരെ പ്രവർത്തിക്കുന്ന ഫാർമസി, ലാബ് സൗകര്യം, ആംബുലൻസ് സൗകര്യം എന്നിവയാണുണ്ടായിരുന്നത്. 



Keywords: Kasaragod, Kerala, News, Neeleswaram, Treatment, Hospital, Periya, Health, Specialist treatment facilities have been set up at Neeleswaram Taluk Hospital and Periya Community Health Center: Dr. AV Ramdas