മഴക്കള്ളന്മാരെ കുടുക്കാന്‍ പ്രത്യേക സ്‌ക്വാഡ്; ഹോട്ടലില്‍ കവര്‍ച്ച നടത്തിയ പ്രതി പിടിയിലായി

നീലേശ്വരം: (www.kasargodvartha.com 26.06.2019) മഴക്കള്ളന്മാരെ കുടുക്കാന്‍ കാഞ്ഞങ്ങാട് ഡി വൈ എസ് പി പി കെ സുധാകരന്‍ രൂപീകരിച്ച പ്രത്യേക സ്‌ക്വാഡിന്റെ അന്വേഷണത്തില്‍ ഹോട്ടലില്‍ കവര്‍ച്ച നടത്തിയയാള്‍ പിടിയിലായി. നീലേശ്വരത്തെ ഹോട്ടലില്‍ കവര്‍ച്ച നടത്തിയ പ്രതി തൃക്കരിപ്പൂര്‍ കൊക്കക്കടവ് എടച്ചാക്കൈയിലെ മണി എന്ന ടി ആര്‍ മണിയാണ് (51) പിടിയിലായത്.

പയ്യന്നൂര്‍ റെയില്‍വേ സ്റ്റേഷനില്‍ നിന്നാണ് ഇയാളെ പിടികൂടിയത്. ചോദ്യം ചെയ്യലില്‍ നീലേശ്വരത്തെ ഒരു ഹോട്ടലില്‍ കവര്‍ച്ച നടത്തിയതായി വെളിപ്പെടുത്തുകയായിരുന്നു. കാസര്‍കോട്, കണ്ണൂര്‍ ജില്ലകളിലെ നിരവധി കവര്‍ച്ചക്കേസുകളില്‍ പ്രതിയാണ് മണിയെന്ന് പോലീസ് പറഞ്ഞു.