കടല്‍പ്പന്നി ചത്ത് കരക്കടിഞ്ഞു

കാഞ്ഞങ്ങാട്: (www.kasargodvartha.com 07.06.2019) കടല്‍പ്പന്നി ചത്ത് കരക്കടിഞ്ഞു. അജാനൂര്‍ കടപ്പുറത്താണ് കടല്‍പ്പന്നിയെ (സീ പിഗ്) കരക്കടിഞ്ഞ നിലയില്‍ കണ്ടെത്തിയത്. സസ്യങ്ങളെ ഭക്ഷിച്ച് കടലിന്റെ അടിത്തട്ടിലാണ് ഇവ ജീവിക്കുന്നത്. എണ്ണക്കപ്പലില്‍ നിന്നു ചോര്‍ന്ന എണ്ണ ശരീരത്തില്‍ വന്നടിഞ്ഞായിരിക്കാം ചത്ത് കരക്കടിയാന്‍ കാരണമെന്നാണ് മത്സ്യത്തൊഴിലാളികള്‍ പറയുന്നത്. 'ഏടി' എന്നാന്ന് മത്സ്യത്തൊഴിലാളികള്‍ ഇതിനെ വിളിക്കുന്നത്.

കൂട്ടമായി കടലില്‍ കാണപ്പെടുന്ന ഇവയിപ്പോള്‍ വംശനാശ ഭീഷണി നേരിടുന്ന കടല്‍ ജീവികളുടെ കൂട്ടത്തില്‍പ്പെടുന്നവയാണ്. വലകള്‍ കീറി മുറിച്ച് മത്സ്യത്തൊഴിലാളികള്‍ക്ക് ഇവ പലപ്പോഴും ദ്രോഹമായി മാറാറുണ്ട്.