കാറില്‍ മദ്യക്കടത്ത്; ഒരാള്‍ അറസ്റ്റില്‍

ബന്തടുക്ക: (www.kasargodvartha.com 22.05.2019) കാറില്‍ മദ്യം കടത്തുകയായിരുന്നയാളെ എക്‌സൈസ് സംഘം അറസ്റ്റു ചെയ്തു. മാനടുക്കത്തെ കെ സുരേഷ് കുമാറിനെ (46)യാണ് ബന്തടുക്ക സെക്ഷന്‍ എക്‌സൈസ് ഇന്‍സ്‌പെക്ടര്‍ പി പി ജനാര്‍ദനന്റെ നേതൃത്വത്തിലുള്ള സംഘം അറസ്റ്റു ചെയ്തത്. ചൊവ്വാഴ്ച ഉച്ചയ്ക്ക് ബന്തടുക്ക-മാനടുക്കം റോഡില്‍ വാഹനപരിശോധനയ്ക്കിടെയാണ് ഇയാള്‍ പിടിയിലായത്.

180 മില്ലിയുടെ 96 പായ്ക്കറ്റ് കര്‍ണാടക നിര്‍മിത മദ്യം പിടിച്ചെടുത്തു. പ്രിവന്റീവ് ഓഫീസര്‍ എന്‍ വി ദിവാകരന്‍, സിവില്‍ എക്‌സൈസ് ഓഫീസര്‍മാരായ കെ എ ജനാര്‍ദനന്‍, ജോണ്‍സണ്‍ പോള്‍, സി സന്തോഷ് കുമാര്‍ എന്നിവരും പരിശോധന നടത്തിയ സംഘത്തിലുണ്ടായിരുന്നു.