ദിവസങ്ങള്‍ക്ക് മുമ്പ് കാണാതായ വൃദ്ധയെ കക്കൂസ് ടാങ്കില്‍ മരിച്ച നിലയില്‍ കണ്ടെത്തി

ഉപ്പള: (www.kasargodvartha.com 23.04.2019) ദിവസങ്ങള്‍ക്ക് മുമ്പ് കാണാതായ വൃദ്ധയെ കക്കൂസ് ടാങ്കില്‍ മരിച്ച നിലയില്‍ കണ്ടെത്തി. കുമ്പള ബംബ്രാണ തിലകനഗറിലെ മദറയുടെ ഭാര്യ ചോമു(85)വിനെയാണ് കക്കൂസ് ടാങ്കില്‍ മരിച്ച നിലയില്‍ കണ്ടെത്തിയത്. ഇവരുടെ വീടിന് സമീപത്തെ ആള്‍ത്താമസമില്ലാത്ത മറ്റൊരു വീടിന്റെ ഉപയോഗശൂന്യമായ കക്കൂസിന്റെ ടാങ്കിലാണ് മൃതദേഹം കണ്ടെത്തിയത്.

കഴിഞ്ഞ എട്ടാം തീയ്യതി മുതലാണ് ഇവരെ കാണാതായത്. അന്നുതന്നെ ബന്ധുക്കള്‍ പോലീസില്‍ പരാതി നല്‍കിയിരുന്നു. പോലീസ് അന്വേഷണം നടന്നുകൊണ്ടിരിക്കെയാണ് മൃതദേഹം കണ്ടെത്തിയത്. കടുത്ത ദുര്‍ഗന്ധത്തെത്തുടര്‍ന്ന നാട്ടുകാര്‍ അന്വേഷണം നടത്തിയപ്പോഴാണ് മൃതദേഹം കണ്ടെത്തിയത്. പോലീസും ഫയര്‍ഫോഴ്‌സും ചേര്‍ന്ന് പുറത്തെടുത്ത മൃതദേഹം പോസ്റ്റുമോര്‍ട്ടത്തിനായി കാസര്‍കോട്ടേക്ക് കൊണ്ടുപോയി.