ആളുകള്‍ നോക്കിനില്‍ക്കെ യുവാവ് കോട്ടയില്‍ നിന്നും കടലിലേക്ക് എടുത്തുചാടി; മൃതദേഹം കണ്ടെത്തി

ബേക്കല്‍: (www.kasargodvartha.com 10.04.2019) ആളുകള്‍ നോക്കിനില്‍ക്കെ യുവാവ് ബേക്കല്‍ കോട്ടയില്‍ നിന്നും കടലിലേക്ക് എടുത്തുചാടി. യുവാവിവന്റെ മൃതദേഹം രണ്ടര മണിക്കൂര്‍ നീണ്ട തിരച്ചിലിനൊടുവില്‍ തീരദേശ പോലീസും നാട്ടുകാരും ചേര്‍ന്ന് കണ്ടെത്തി. മുള്ളേരിയ കിന്നിംഗാറിലെ ബാലകൃഷ്ണന്റെ മകന്‍ ഗംഗാധകന്‍ (45) ആണ് മരിച്ചത്. ബുധനാഴ്ച ഉച്ചയ്ക്ക് 1.30 മണിയോടെയാണ് സംഭവം.
ബേക്കല്‍ കോട്ടയുടെ ക്ലോക്ക് ടവറിന് സമീപത്ത് വെച്ച് പഴ്‌സും ചെരിപ്പും അഴിച്ചുവെച്ച ശേഷമാണ് ഇയാള്‍ കടലിലേക്ക് എടുത്തുചാടിയത്. സംഭവം കണ്ട സഞ്ചാരികളിലൊരാള്‍ പോലീസില്‍ വിവരം നല്‍കിയതിന്റെ അടിസ്ഥാനത്തിലാണ് തിരച്ചില്‍ നടത്തിയത്. വൈകിട്ട് നാലു മണിയോടെയാണ് മൃതദേഹം കണ്ടെത്തിയത്.

തീരദേശ പോലീസ് മൃതദേഹം ഇന്‍ക്വസ്റ്റ് നടത്തിയ ശേഷം പോസ്റ്റുമോര്‍ട്ടത്തിനായി ആശുപത്രിയിലേക്ക് കൊണ്ടുപോയി. യുവാവിന് ചെറിയ മാനസികാസ്വാസ്ഥ്യമുണ്ടായിരുന്നതായി പറയപ്പെടുന്നുണ്ട്.