സിപിഎം ബൂത്ത് ഏജന്റുമാര്‍ക്ക് ക്രൂരമര്‍ദനം; 3 പേര്‍ ആശുപത്രിയില്‍, കള്ളവോട്ട് തടയുന്നതിനിടെ യുഡിഎഫ് പ്രവര്‍ത്തകര്‍ ആക്രമിക്കുകയായിരുന്നുവെന്ന് സിപിഎം

കാസര്‍കോട്: (www.kasargodvartha.com 23.04.2019) കള്ളവോട്ട് തടയുന്നതിനിടെ 3 സിപിഎം ബൂത്ത് ഏജന്റുമാര്‍ക്ക് ക്രൂരമര്‍ദനം. ചട്ടഞ്ചാല്‍ തെക്കില്‍ വെസ്റ്റ് സ്‌കൂളിലെ 27ാം നമ്പര്‍ ബൂത്തിലാണ് സിപിഎം പ്രവര്‍ത്തകര്‍ക്ക് മര്‍ദനമേറ്റത്. തെക്കില്‍ ഫെറിയിലെ പഴയ വളപ്പില്‍ ഹൗസില്‍ ഖാദര്‍ കുഞ്ഞിയുടെ മകന്‍ ടി പി സുബൈര്‍(46), തെക്കില്‍ ഫെറിയിലെ ടി എ മുഹമ്മദിന്റെ മകന്‍ തായല്‍ ഹൗസില്‍ ടി എ അസ്‌ലം(44),  തെക്കില്‍ പരേതനായ മുഹമ്മദിന്റെ മകന്‍ പി എ ഷഫീഖ് എന്നിവര്‍ക്കാണ് മര്‍ദനമേറ്റത്.

അക്രമത്തില്‍ പരിക്കേറ്റ ഇവരെ പരിക്കുകളോടെ ചെങ്കള നായനാര്‍ ആശുപത്രിയില്‍ പ്രവേശിപ്പിച്ചു. കള്ളവോട്ട് ചെയ്യാനുള്ള യുഡിഎഫ് പ്രവര്‍ത്തകരുടെ ശ്രമം ചോദ്യം ചെയ്തപ്പോള്‍ ക്രൂരമായി മര്‍ദിക്കുകയായിരുന്നുവെന്നാണ് പരാതി.