വിടരും മുമ്പേ കൊഴിഞ്ഞ പൂവ്; മജ്ജ മാറ്റിവെക്കല്‍ ശസ്ത്രക്രിയയ്ക്ക് വിധേയനായ മൂന്ന് വയസുകാരന്‍ മരണത്തിന് കീഴടങ്ങി

Whatsapp Group Whatsapp Channel

By Web Desk SUFeb 11, 2019, 23:07 IST

ഉദുമ: (www.kasargodvartha.com 11.02.2019) മജ്ജ മാറ്റിവെക്കല്‍ ശസ്ത്രക്രിയയ്ക്ക് വിധേയനായ മൂന്ന് വയസുകാരന്‍ മരണത്തിന് കീഴടങ്ങി. ഉദുമ വില്ലേജ് ഓഫീസിന് സമീപം വലിയ വളപ്പിലെ ഷുഹൈബ് - സഫ്‌നാസ് ദമ്പതികളുടെ മകന്‍ ഹയാന്‍ (മൂന്ന്) ആണ് വിധിക്ക് മുന്നില്‍ കീഴടങ്ങിയത്.

കേരളത്തിന് പുറത്തെ ഒരു പ്രമുഖ ആശുപത്രിയില്‍ വെച്ചാണ് ഹയാന് മജ്ജ മാറ്റി വെക്കല്‍ ശസ്ത്രക്രിയ നടത്തിയത്. മൃതദേഹം ചൊവ്വാഴ്ചയോടെ ഉദുമയിലെ വീട്ടിലെത്തിച്ച് ഖബറടക്കം നടത്തുമെന്നാണ് വിവരം. അസുഖത്തെ തുടര്‍ന്ന് കുഞ്ഞു ഹയാന്‍ മാസങ്ങളായി ചികിത്സയിലായിരുന്നു. രണ്ട് ദിവസം മുമ്പാണ് മജ്ജ മാറ്റിവെക്കല്‍ ശസ്ത്രക്രിയയ്ക്ക് വിധേയനാക്കിയത്. കുഞ്ഞിന്റെ മരണം ബന്ധുക്കൾക്കും നാട്ടുകാർക്കും തേങ്ങലായി.