എന്‍മകജെ പഞ്ചായത്തില്‍ പ്രസിഡണ്ട് സ്ഥാനം ബി ജെ പിയില്‍ നിന്നും കോണ്‍ഗ്രസ് പിടിച്ചെടുത്തു; സിപിഎം വിട്ടു നിന്നപ്പോള്‍ സി പി ഐ പിന്തുണച്ചു, വൈ ശാരദ പുതിയ പഞ്ചായത്ത് പ്രസിഡണ്ട്

എന്‍മകജെ: (www.kasargodvartha.com 22.09.2018) എന്‍മകജെ പഞ്ചായത്തില്‍ പ്രസിഡണ്ട് സ്ഥാനം ബി ജെ പിയില്‍ നിന്നും കോണ്‍ഗ്രസ് പിടിച്ചെടുത്തു. ശനിയാഴ്ച രാവിലെ നടന്ന പ്രസിഡണ്ട് തിരഞ്ഞെടുപ്പില്‍ സിപിഎം അംഗങ്ങള്‍ വിട്ടു നിന്നപ്പോള്‍ സി പി ഐ അംഗം കോണ്‍ഗ്രസിനെ പിന്തുണച്ചു. കോണ്‍ഗ്രസിലെ വൈ ശാരദയാണ് പുതിയ പഞ്ചായത്ത് പ്രസിഡണ്ടായി തിരഞ്ഞെടുക്കപ്പെട്ടത്. ഏഴിനെതിരെ എട്ട് വോട്ടുകള്‍ നേടിയാണ് ശാരദ വിജയിച്ചത്.

17 അംഗങ്ങളുള്ള പഞ്ചായത്തില്‍ കോണ്‍ഗ്രസിന് നാലും ലീഗിന് മൂന്നു സീറ്റുകളാണുള്ളത്. ബിജെപിക്കും ഏഴ് അംഗങ്ങളാണുള്ളത്. സിപിഎമ്മിന് രണ്ടും സി പി ഐക്ക് ഒരു അംഗവുമാണുള്ളത്. സിപിഐ അംഗം ചന്ദ്രാവതിയാണ് യുഡിഎഫിനെ അനുകൂലിച്ചത്. വൈസ് പ്രസിഡണ്ടിനെ ഉച്ചയ്ക്ക് ശേഷം തിരഞ്ഞെടുക്കും.
കാറഡുക്കയ്ക്ക് പിന്നാലെ എന്‍മകജെ പഞ്ചായത്തിലും ബി.ജെ.പിക്ക് ഭരണം നഷ്ടമായി; സി.പി.എം യു.ഡി.എഫിനെ പിന്തുണച്ചു
എന്‍മകജെ പഞ്ചായത്തില്‍ ബിജെപിക്ക് സമ്പൂര്‍ണ്ണ പരാജയം; പ്രസിഡന്റിന് പിന്നാലെ വൈസ് പ്രസിഡന്റിനെയും അവിശ്വാസത്തിലൂടെ പുറത്താക്കി