യുഡിഎഫ് ഹര്‍ത്താല്‍; കടകള്‍ അടഞ്ഞുകിടന്നു, ബസുകള്‍ സര്‍വീസ് നടത്തിയില്ല, നിരത്തിലിറങ്ങിയ ലോറികളെയും വാഹനങ്ങളെയും ഹര്‍ത്താല്‍ അനുകൂലികള്‍ തടഞ്ഞു

കാസര്‍കോട്: (www.kasargodvartha.com 16.10.2017) ഇന്ധനത്തിന്റെയും നിത്യോപയോഗ സാധനങ്ങളുടെയും വിലക്കയറ്റം ഉള്‍പ്പെടെയുള്ള കേന്ദ്ര- സംസ്ഥാന സര്‍ക്കാരുടെ ജനദ്രോഹ നയങ്ങള്‍ക്കെതിരെ യുഡിഎഫ് ആഹ്വാനം ചെയ്ത ഹര്‍ത്താലില്‍ കടകള്‍ തുറന്നില്ല. ബസുകളൊന്നും തന്നെ സര്‍വീസ് നടത്തിയില്ല. അതേസമയം സ്വകാര്യ വാഹനങ്ങള്‍ നിരത്തിലിറങ്ങി.


നിരത്തിലിറങ്ങിയ ലോറികളെയും മറ്റു വാഹനങ്ങളെയും കാസര്‍കോട് പുതിയ ബസ് സ്റ്റാന്‍ഡ് പരിസരങ്ങളിലും മറ്റുമായി ഹര്‍ത്താല്‍ അനുകൂലികള്‍ തടഞ്ഞു. രാവിലെ ആറു മുതല്‍ വൈകിട്ട് ആറു വരെയാണ് ഹര്‍ത്താല്‍.