മണ്ണെടുത്ത കുഴിയിലേക്ക് കാര്‍ തലകീഴായി മറിഞ്ഞു; ഡ്രൈവര്‍ അത്ഭുതകരമായി രക്ഷപ്പെട്ടു

കുറ്റിക്കോല്‍: (www.kasargodvartha.com 12/03/2017)  കാര്‍ നിയന്ത്രണം വിട്ട് മണ്ണെടുത്ത കുഴിയിലേക്ക് തലകീഴായി മറിഞ്ഞു. കാര്‍ ഡ്രൈവര്‍ അത്ഭുതകരമായി രക്ഷപ്പെട്ടു. ശനിയാഴ്ച വൈകുന്നേരമാണ് കുറ്റിക്കോലില്‍ കാര്‍ അപകടത്തില്‍പെട്ടത്. കാഞ്ഞങ്ങാട് സ്വദേശി ഓടിച്ചുവരികയായിരുന്ന കാര്‍ അഞ്ചുമീറ്റര്‍ ആഴമുള്ള കുഴിയിലേക്ക് മറിയുകയായിരുന്നു.


അടുത്തിടെ മണ്ണെടുത്തതിനെ തുടര്‍ന്നുണ്ടായ കുഴിയിലേക്കാണ് കാര്‍ മറിഞ്ഞത്. ഈ കുഴി അപകടത്തിന് കാരണമാകുന്നതായി നാട്ടുകാര്‍ ആരോപിച്ചിട്ടും ബന്ധപ്പെട്ടവരുടെ ഭാഗത്തുനിന്നും യാതൊരു മുന്‍കരുതലുമുണ്ടാകുന്നില്ല. മണ്ണെടുപ്പിച്ച സ്വകാര്യവ്യക്തിയും കുഴിമൂടാന്‍ തയ്യാറാകാതെ അപകടത്തിന് സാഹചര്യമുണ്ടാക്കുകയാണ്.