ബൈക്കില്‍ സഞ്ചരിക്കുകയായിരുന്ന യുവാവിനെ വാനിലെത്തിയ സംഘം വെട്ടിപ്പരിക്കേല്‍പിച്ചു

കാസര്‍കോട്: (www.kasargodvartha.com 01/07/2016) ബൈക്കില്‍ സഞ്ചരിക്കുകയായിരുന്ന യുവാവിനെ ഓംനി വാനിലെത്തിയ സംഘം വെട്ടിപ്പരിക്കേല്‍പിച്ചു. പ്രസ് ക്ലബ് ജംഗ്ഷന്‍ ആനവാതുക്കല്‍ റോഡില്‍ വെച്ച് വെള്ളിയാഴ്ച വൈകിട്ട് 3.30 മണിയോടെയാണ് സംഭവം. ചെട്ടുംകുഴി ഹിദായത്ത്‌നഗറിലെ അബ്ദുര്‍ റഹ് മാന്റെ മകനും കാസര്‍കോട്ടെ ഫാന്‍സി കടയിലെ ജോലിക്കാരനുമായ അസ്ഹറുദ്ദീനെ (24)യാണ് വെട്ടിപ്പരിക്കേല്‍പിച്ചത്.  www.kasargodvartha.com 01/07/2016

ഫാന്‍സി കടയിലേക്ക് ബൈക്കില്‍ പോകുന്നതിനിടെ പിന്നില്‍ നിന്നുമെത്തിയ ഓംനി വാനിലെ സംഘമാണ് കത്തികൊണ്ട് പുറത്തും കൈക്കും വെട്ടിയത്. പരിക്കേറ്റ അസ്ഹറുദ്ദീനെ കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചു. www.kasargodvartha.com 01/07/2016

കഴിഞ്ഞ ദിവസം കാസര്‍കോട് എയര്‍ലൈന്‍സ് ലോഡ്ജിന് സമീപം വെച്ചും തനിക്ക് നേരെ ഭീഷണിയുണ്ടായിരുന്നുവെന്നും വ്യാഴാഴ്ച വിദ്യാനഗര്‍ ഉദയഗിരിയില്‍ വെച്ച് ഓംനി വാനിലും രണ്ട് ബൈക്കിലുമെത്തിയ സംഘം തടഞ്ഞുനിര്‍ത്തി ഭീഷണിപ്പെടുത്തുന്നതിനിടെ പോലീസ് ജീപ്പ് കണ്ട് ഉപദ്രവിക്കാതെ സംഘം കടന്നുകളയുകയുമായിരുന്നുവെന്നും ആശുപത്രിയില്‍ കഴിയുന്ന അസ്ഹറുദ്ദീന്‍ പറഞ്ഞു. www.kasargodvartha.com 01/07/2016