കാസര്‍കോട് ടൗണ്‍ പോലീസ് സ്‌റ്റേഷനില്‍ എഫ്.ഐ.ആര്‍. ഇനി കമ്പ്യൂട്ടറില്‍

കാസര്‍കോട്: (www.kasargodvartha.com 23.04.2014) കാസര്‍കോട് ടൗണ്‍ പോലീസ് സ്‌റ്റേഷനില്‍ ഇനി എഫ്.ഐ.ആര്‍. കമ്പ്യൂട്ടറില്‍. സ്‌റ്റേഷനില്‍ ലഭിക്കുന്ന പരാതികള്‍ ഉടന്‍ ടൈപ്പ് ചെയ്ത് കമ്പ്യൂട്ടറില്‍ സൂക്ഷിക്കും. ക്രൈം ആന്റ് ക്രിമിനല്‍ ട്രാക്കിംഗ് നെറ്റ് വര്‍ക്ക് സിസ്റ്റം എന്ന പേരിലുള്ള ഈ സംവിധാനം ചൊവ്വാഴ്ച അര്‍ധരാത്രിയാണ് നിലവില്‍ വന്നത്.

ഈ സംവിധാനം നിലവില്‍ വരുന്ന സംസ്ഥാനത്തെ അഞ്ചാംമത് പോലീസ് സ്‌റ്റേഷനാണ് കാസര്‍കോട്. ഇവിടെ ലഭിക്കുന്ന പരാതികളും രജിസ്റ്റര്‍ ചെയ്യുന്ന കേസുകളും ആവശ്യമെങ്കില്‍ മറ്റു സ്‌റ്റേഷനുകളിലേക്ക് കൈമാറാന്‍ ഈ സംവിധാനത്തിലൂടെ കഴിയുമെന്ന് ബന്ധപ്പെട്ടവര്‍ പറഞ്ഞു.