വിഷു ദിനത്തിൽ കുന്നുംകൈ പുഴയിൽ മുങ്ങി മരിച്ച ഒരു കുടുംബത്തിലെ രണ്ട്‌ വിദ്യാർഥികൾക്ക് നാടിന്റെ യാത്രാമൊഴി

പിന്നീട് കാവും തലയിലെ വീട്ടിൽ കൊണ്ടുവന്ന കുട്ടികളെ ഒരു നോക്ക് കാണാൻ തിരക്ക് അനുഭവപ്പെട്ടു. തോമസിന്റെ വീട്ടിലായിരുന്നു ഇരുവരുടെയും അന്ത്യ ശുശ്രൂഷ ചടങ്ങുകൾ നടന്നത്. ചടങ്ങുകൾക്ക് വരക്കാട് സെന്റ്‌ ജോസഫ് ചർച് വികാരി ഫാദർ ഫിലിപ് കർമികത്വം വഹിച്ചു. ശേഷം വാഹനത്തിൽ വിലാപയാത്രയായി വരക്കാട് സെന്റ്‌ ജോസഫ് പള്ളി സെമിത്തേരിയിലേക്ക് കൊണ്ടു പോയി.

ബുധനാഴ്ച ഉച്ചയ്ക്ക് 12മണിയോടെയായിരുന്നു അപകടം. ആൽബിൻ റെജി വരക്കാട് ഹയർ സെകൻഡറി സ്കൂളിലെ പത്താം തരം വിദ്യാർഥിയാണ്. ബ്ലസൻ തോമസ് മംഗളുറു എ വി ഷെട്ടി കോളജിലെ ബി എസ് സി നേഴ്സിംഗ് വിദ്യാർഥിയുമാണ്.

വിഷു ദിനത്തിൽ ഇളയച്ഛൻ ജിജിയുടെ സുഹൃത്തിന്റെ പരപ്പചാലിലെ വീട്ടിലേക്ക് പോയതായിരുന്നു ബ്ലസനും ആൽബിനും.

അവിടെ നിന്ന് കുളിക്കാനായി പുഴയിൽ ഇറങ്ങിയപ്പോൾ വേലിയേറ്റ സമയത്ത് വെള്ളം കയറി ഇരുവരും അടിയൊഴുക്കിൽ പെടുകയുമായിരുന്നു. കുട്ടികൾ പുഴയിലേക്ക് മുങ്ങി താഴുന്നത് കണ്ട് പുഴയിലേക്ക് എടുത്ത് ചാടി രക്ഷാപ്രവർത്തനത്തിന് ശ്രമിച്ചെങ്കിലും പരാജയപെടുകയിരുന്നുവെന്നും താനും പുഴയിലെ ചുഴിയിലേക്ക് മുങ്ങിത്താഴ്ന്ന് പോയതായും കുട്ടിക്കളുടെ മരണം കണ്ട ജിജി വിതുമ്പി കൊണ്ട് കാസർകോട് വാർത്തയോട് പറഞ്ഞു. < !- START disable copy paste -->