എസ് കെ എസ് എസ് എഫ് പതാക ദിനാചരണം ഡി വൈ എഫ് ഐ നേതാവിന്റെ നേതൃത്വത്തിൽ അലങ്കോലപ്പെടുത്തിയതായി പരാതി; കെട്ടിയ കൊടി അഴിപ്പിച്ചു

ചാനടുക്കം ടൗണിൽ സ്ഥാപിച്ച പതാകമരം തുടർച്ചയായി നശിപ്പിക്കപ്പെട്ടതിനെ തുടർന്ന് കഴിഞ്ഞ വർഷം പൊലിസ് ഇടപെട്ടു സ്വകാര്യ വ്യക്തിയുടെ സ്ഥലത്തേക്ക് മാറ്റി സ്ഥാപിച്ചിരുന്നു. എന്നാൽ ഇരുട്ടിന്റെ മറവിൽ പലപ്പോഴായി പതാകയും കൊടിമരവും സാമൂഹ്യ വിരുദ്ധർ പിഴുതെറിഞ്ഞിരുന്നു. രണ്ട് ദിവസം മുമ്പും ഇതാവർത്തിച്ചിരുന്നു.

കാഞ്ഞങ്ങാട് കൊലപാതകം നടത്തിയത് സമസ്തയുടെ നേതൃത്വത്തിലാണെന്ന് ആരോപിച്ച് എസ് എസ് എഫ് നേതാവ് റഫീഖും പരിപാടി തടസപ്പെടുത്താൻ ശ്രമിച്ചുവെന്നും പരാതിയുണ്ട്. സംഭവത്തിൽ ചീമേനി പൊലിസിൽ ശാഖാ കമ്മിറ്റി പരാതി നൽകിയിട്ടുണ്ട്. പ്രവർത്തകരെ കയ്യേറ്റം ചെയ്ത സംഭവത്തിൽ വ്യാപക പ്രതിഷേധം ഉയർന്നിട്ടുണ്ട്.

പതാകദിനാചരണം തടസപ്പെടുത്തി നേതാക്കളെയും പ്രവർത്തകരെയും കയ്യേറ്റം ചെയ്‌തതിൽ എസ് കെ എസ് എസ് എഫ് സംസ്ഥാന വർക്കിംഗ് സെക്രടറി താജുദ്ദീൻ ദാരിമി, എസ് വൈ എസ് സംസ്ഥാന സമിതിയംഗം സി കെ കെ മാണിയൂർ, ജില്ലാ നേതാക്കളായ ഇബ്റാഹിം ഫൈസി പള്ളങ്കോട്, ഹംസ ഹാജി പള്ളിപ്പുഴ, മുബാറക് ഹസൈനാർ ഹാജി, മൊയ്തീൻ കുഞ്ഞി മൗലവി, എസ് കെ എസ് എസ് എഫ് നേതാക്കളായ സുഹൈർ അസ്ഹരി പള്ളങ്കോട്, മുശ്താഖ് ദാരിമി, യൂനുസ് ഫൈസി കാക്കടവ്, ഇസ്മാഈൽ അസ്ഹരി, മേഖലാ നേതാക്കളായ മൊയ്തീൻ കുഞ്ഞി മാസ്റ്റർ, മുഹമ്മദലി കോട്ടപ്പുറം, എ റഫീഖ്, എൻ മുത്വലിബ്, സ്വാദിഖ് മൗലവി, ശൗക്കതലി, ഹാരിസ് ദാരിമി തുടങ്ങിയവർ പ്രതിഷേധിച്ചു. < !- START disable copy paste -->