ഫില്ലി കെ.പി.എല്‍ കപ്പ് 2015 മാറ്റിവെച്ചു; മെയ് 1 മുതല്‍ മൂന്ന് വരെ പള്ളംഗ്രൗണ്ടില്‍

കാസര്‍കോട്: (www.kasargodvartha.com 23/04/2015) മൂന്നു ദിവസങ്ങളിലായി കാസര്‍കോട് പള്ളം ഫില്ലി ഗ്രൗണ്ടില്‍ ഫില്ലി കെ.പി.എല്‍ കപ്പിനും കാഷ് അവാര്‍ഡിനും വേണ്ടിയുള്ള ഇലവന്‍ അണ്ടര്‍ ആം ഫ്‌ളഡ് ലൈറ്റ് ക്രിക്കറ്റ് ടൂര്‍ണമെന്റ് പ്രതികൂല കാലാവസ്ഥയെ തുടര്‍ന്ന് മാറ്റിവെച്ചതായി സംഘാടകര്‍ അറിയിച്ചു. 24മുതല്‍ മുതല്‍ 26 വരെയാണ് നേരത്തെ കളി നടത്താന്‍ നിശ്ചയിച്ചിരുന്നു.

മെയ് ഒന്നു മുതല്‍ മൂന്നുവരെ പള്ളം ഗ്രൗണ്ടില്‍ നടക്കും. രണ്ടു രാത്രിയും ഒരു പകലുമായി നടത്തുന്ന ക്രിക്കറ്റ് പ്രീമിയര്‍ ലീഗില്‍ 32 കെ.പി.എല്‍ ടീമുകള്‍ ഏറ്റുമുട്ടും. ഒന്ന്, രണ്ട് തീയ്യതികളില്‍ വൈകീട്ട് ആറു മണിക്ക് തുടങ്ങും. സെമി ഫൈനലും ഫൈനലും മൂന്നിന് വൈകീട്ട് നടക്കും.

മൂന്നു ദിവസങ്ങളിലായി നടക്കുന്ന മത്സരം ലോകത്തിന്റെ നാനാ ഭാഗങ്ങളിലുള്ളവര്‍ക്ക് വീക്ഷിക്കാം മൊബൈലിലൂടെ ലൈവ് സ്‌കോര്‍ ബോര്‍ഡ്, സ്‌പോട്ട് റിപ്ലേ, തേര്‍ഡ് അമ്പയര്‍ ഫെസിലിറ്റി, ലൈവ് സ്‌ക്രീനിംഗ്, ലൈവ് മാച്ച് സ്ട്രീമിംഗ് തുടങ്ങിയവ ഈ ടൂര്‍ണമെന്റിന്റെ പ്രത്യേകതയാണ്. സ്ലോ മോഷന്‍ ലൈവ് ടെലികാസ്റ്റ് എന്നിവയും തേര്‍ഡ് അമ്പയര്‍ സിസ്റ്റം ഗ്രൗണ്ടില്‍ പ്രത്യേകം സജ്ജമാക്കിയ ലൈവ് സ്‌ക്രീനില്‍ കാണാം.

അമ്പതിനായിരം വാട്‌സ് ലൈറ്റ് ആണ് ഇതിനു സജ്ജീകരിച്ചിരിക്കുന്നത്.