ഇൻഡ്യയുടെ അഭിമാനമുയർത്തിയ ജേതാക്കൾക്ക് അഭിന്ദനവുമായി ഒളിംപിക്‌സ് പ്രതീകാത്മകമായി സമാപിച്ചു; കായിക മേഖലയുടെ ഉന്നതിക്ക് വേണ്ടി സാധ്യമായതെല്ലാം ചെയ്യുമെന്ന് എ കെ എം അശ്‌റഫ് എംഎൽഎ

കുമ്പള: (www.kasargodvartha.com 09.08.2021) ഇൻഡ്യയുടെ അഭിമാനമുയർത്തിയ ജേതാക്കൾക്ക് അഭിന്ദനവുമായി ജില്ലാ ഒളിംപിക്‌സ് അസോസിയേഷന്റെ നേതൃത്വത്തിൽ ഒളിംപിക്‌സ് പ്രതീകാത്മകമായി സമാപിച്ചു. കുമ്പളയിൽ നടന്ന പ്രതീകാത്മക ദീപം അണക്കൽ ചടങ്ങ് മഞ്ചേശ്വരം എംഎൽഎ എ കെ എം അശ്‌റഫ് ഉദ്‌ഘാടനം ചെയ്‌തു.

  


മഞ്ചേശ്വരം മണ്ഡലത്തിന്റെ കായിക മേഖലയുടെ ഉന്നതിക്ക് വേണ്ടി എംഎൽഎ എന്ന നിലയിൽ സാധ്യമായതെല്ലാം ചെയ്യുമെന്നും ഓരോ കായിക മേഖലയിൽ നിന്നും നിരവധി പ്രതിഭകളാണ് കഴിവ് തെളിയിച്ചു കൊണ്ട് ഈ മേഖലയിലേക്ക് എത്തി കൊണ്ടിരിക്കുന്നതെന്നും എംഎൽഎ പറഞ്ഞു. നീരജ് ചോപ്ര സ്വർണം നേടിയ തോടുകൂടി ഇൻഡ്യയുടെ കായിക മേഖലയ്ക്ക് തന്നെ പുത്തനുണർവാണ് നൽകിയിരിക്കുന്നതെന്നും അദ്ദേഹം കൂട്ടിച്ചേർത്തു.

എം കെ രാജശേഖരൻ അധ്യക്ഷത വഹിച്ചു. കാസർകോട് ബ്ലോക് പഞ്ചായത്ത് ക്ഷേമ കാര്യ സ്റ്റാൻഡിങ് കമിറ്റി ചെയർമാൻ അശ്‌റഫ് കർള സ്വഗതം പറഞ്ഞു. ഒളിംപിക്‌സ് അസോസിയേഷൻ ജില്ലാ പ്രസിഡന്റ് ശോഭ ബാലൻ, ജില്ലാ ഒളിംപിക്‌സ് അസോസിയേഷൻ ജനറൽ സെക്രടറി അച്യുതൻ മാസ്റ്റർ മുഖ്യ പ്രഭാഷണം നടത്തി. ദേശീയ കബഡി മുൻ താരം ജഗദീഷ് കുമ്പള, കേരള വനിതാ കബഡി താരം ഉമ്മു ജമീല, കുമ്പള അസി. സബ് ഇൻസ്‌പെക്ടർ രാജീവൻ, കുമ്പള ഗ്രാമപഞ്ചായത്ത് വൈസ് പ്രസിഡണ്ട് നാസർ മൊഗ്രാൽ മുഖ്യാതിഥികളായിരുന്നു.