കായിക മത്സരങ്ങള്‍ മത സൗഹാര്‍ദം ഊട്ടിയുറപ്പിക്കുന്നതാവണം: ഡി വൈ എസ് പി

ചൗക്കി:(www.kasargodvartha.com 25/09/2017) കായിക മത്സരങ്ങള്‍ മത സൗഹാര്‍ദം ഊട്ടിയുറപ്പിക്കുന്നതാവണമെന്ന് കാസര്‍കോട് ഡി വൈ എസ് പി സുകുമാരന്‍ പറഞ്ഞു. ഗ്രാമീണ കലാ സാംസ്‌കാരിക കേന്ദ്രത്തിന്റെ ആഭിമുഖ്യത്തില്‍ നടന്ന ജില്ലാ തല കമ്പവലി മത്സരം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

കമ്പവലിയില്‍ ജില്ലയിലെ പ്രമുഖ ടീമുകള്‍ പങ്കെടുത്തു. രക്തേശ്വരി കുന്ന് ജേതാക്കളായി. സ്റ്റാര്‍ പെര്‍ളടുക്കം റണേര്‍സ്അപ്പായി. സര്‍വാന്‍സ് ചൗക്കി, കുന്നില്‍ യംഗ് ചാലഞ്ചേഴ്സ് മൂന്നും നാലും സ്ഥാനങ്ങള്‍ കരസ്ഥമാക്കി. ഹക്കീം കമ്പാര്‍ അധ്യക്ഷത വഹിച്ചു. ടൗണ്‍ എസ് ഐ അജിത് വിജയികള്‍ക്ക് ട്രോഫി വിതരണം ചെയ്തു. റഫീഖ് കുന്നില്‍, കെ കുഞ്ഞിരാമന്‍, രാഘവന്‍, ശ്രീമതി, അമല്‍ രാജ്, അരുണ്‍, താഹിര്‍ പ്രസംഗിച്ചു. ബാബുരാജന്‍ സ്വാഗതവും മുകുന്ദന്‍ മാസ്റ്റര്‍ നന്ദിയും പറഞ്ഞു.