അസുഖത്തെ തുടര്‍ന്ന് ചികിത്സയിലായിരുന്ന അംഗണ്‍വാടി അധ്യാപിക മരിച്ചു

By Web Desk - MainMay 9, 2019, 09:46 IST

കാസര്‍കോട്: (www.kasargodvartha.com 09.05.2019) അസുഖത്തെ തുടര്‍ന്ന് ചികിത്സയിലായിരുന്ന അംഗണ്‍വാടി അധ്യാപിക മരിച്ചു. നായന്മാര്‍മൂലയിലെ അംഗണ്‍വാടി അധ്യാപിക ഷീബ (46)യാണ് മരിച്ചത്. കാസര്‍കോട്ടെ സ്വകാര്യാശുപത്രിയില്‍ വെച്ചായിരുന്നു അന്ത്യം. തിരുവനന്തപുരം സ്വദേശിനിയായ ഷീബ അണങ്കൂര്‍ സ്‌കൗട്ട്ഭവനത്തിനടുത്താണ് താമസിച്ചുവന്നിരുന്നത്.

പരേതനായ സുകുമാരന്‍- ഓമന ദമ്പതികളുടെ മകളാണ്. ഭര്‍ത്താവ്: സുരേന്ദ്രന്‍ (ഗള്‍ഫ്), ഏകമകള്‍ അമൃത. മൃതദേഹം ബന്ധുക്കളെത്തിയ ശേഷം സ്വദേശത്തേക്ക് കൊണ്ടുപോകും.