സുരക്ഷാ ജീവനക്കാരന്‍ കുഴഞ്ഞ് വീണ് മരിച്ചു

By Web Desk - MainNov 30, 2018, 16:11 IST

കാഞ്ഞങ്ങാട്: (www.kasargodvartha.com 30.11.2018) എല്‍ ഐ സി ഓഫീസില്‍ സുരക്ഷാ ജീവനക്കാരന്‍ കുഴഞ്ഞ് വീണ് മരണപ്പെട്ടു. കാഞ്ഞങ്ങാട് ബ്രാഞ്ചിലെ സെക്യൂരിറ്റി ഗാര്‍ഡ് ബങ്കളത്തെ കരിങ്കുണ്ടിലെ ദേവദാസിന്റെ മകന്‍ പി കെ പ്രകാശാ(45)ണ് മരണപ്പെട്ടത്. വെള്ളിയാഴ്ച പുലര്‍ച്ചെ ജോലിക്കിടയില്‍ നെഞ്ച് വേദന അനുഭവപ്പെടുകയായിരുന്നു.

ഭാര്യയെ ഫോണില്‍ വിവരമറിയ്ക്കുകയും ഉടന്‍ എത്താന്‍ ആവശ്യപ്പെടുകയും ചെയ്തു. എന്നാല്‍ ഭാര്യയും വീട്ടുകാരും എത്തുമ്പോഴേക്കും പ്രകാശന്‍ വീണ് കിടക്കുകയായിരുന്നു. ഉടന്‍ ജില്ലാആശുപത്രിയിലെത്തിച്ചുവെങ്കിലും മരണപ്പെട്ടിരുന്നു.