വാഹനാപകടത്തില്‍ പരിക്കേറ്റ യുവാവ് മരിച്ചു

Sirajudeen

കാസര്‍കോട്: ബൈക്ക് മറിഞ്ഞ് പരിക്കേറ്റ് മംഗലാപുരം സ്വകാര്യാശുപത്രിയില്‍ ചികിത്സയിലായിരുന്ന യുവാവ് മരിച്ചു. ബിലാല്‍ ബസ് ഉടമ കുമ്പടജെ ബെളിഞ്ചയിലെ ബി മുഹമ്മദ് ഷാഫിയുടെ മകന്‍ സിറാജുദ്ദീന്‍ (24)ആണ് മരിച്ചത്. ബുധനാഴ്ച രാത്രി നീര്‍ച്ചാലിലെ ബിര്‍മനഡുക്കയിലെ സഹോദരിയുടെ വീട്ടില്‍ നിന്ന് ബെളിഞ്ചയിലെ വീട്ടിലേക്ക് മടങ്ങവെ ഏണിയര്‍പ്പിലാണ് അപകടം. റോഡിലേക്ക് തെറിച്ചുവീണ സിറാജുദ്ദീനെ നാട്ടുകാര്‍ കാസര്‍കോട് സ്വകാര്യ ആശുപത്രിയിലെത്തിച്ചെങ്കിലും പരിക്ക് ഗുരുതരമായതിനാല്‍ മംഗലാപുരത്തെ ആശുപത്രിയിലേക്ക് മാറ്റുകയായിരുന്നു. വെള്ളിയാഴ്ച വൈകിട്ടാണ് മരിച്ചത്.
എസ്എഫ്‌ഐ കാറഡുക്ക ഏരിയാ ജോയിന്റ് സെക്രട്ടറി, എസ്.കെ.എസ്.എസ്.എഫ് പ്രവര്‍ത്തകന്‍, ജില്ലാ ക്രിക്കറ്റ് അസോസിയേഷന്‍ അംഗം, പ്രൈഡ് ബസ് വര്‍ക്കേഴ്‌സ് ഫെഡറേഷന്‍ അംഗം എന്നീ നിലകളില്‍ പ്രവര്‍ത്തിച്ചിരുന്നു.
മാതാവ്: പരേതയായ സുഹ്‌റ. രണ്ടാനമ്മ മൈമൂന. സഹോദരങ്ങള്‍: സാബിഖ്(ദുബൈ), സക്കീന ഇബ്രാഹിം(ദുബൈ), സറീന ഇബ്രാഹിം, സാഹിദ, സഫ്‌വാന്‍, സാജിദ്, സുഹിലത്ത്, ദാസിദ്, അന്‍വന്‍, സിനാന്‍.