പ്രമേഹത്തെ തുടര്‍ന്ന് ചികിത്സയിലായിരുന്ന ഓട്ടോഡ്രൈവര്‍ ഡോക്ടറുടെ പരിശോധനക്കിടെ മരണപ്പെട്ടു

By Web Desk - MainNov 21, 2019, 16:17 IST

ബദിയടുക്ക: (www.kasargodvartha.com 21.11.2019) പ്രമേഹത്തെ തുടര്‍ന്ന് ചികിത്സയിലായിരുന്ന ഓട്ടോഡ്രൈവര്‍ ഡോക്ടറുടെ പരിശോധനക്കിടെ മരണപ്പെട്ടു. ബദിയടുക്ക മൂക്കംപാറ കൂളകുഡ്ലു സ്വദേശിയും മാന്യയില്‍ താമസക്കാരനുമായ ഗുഡ്സ് ഓട്ടോ ഡ്രൈവര്‍ രഘു (48) ആണ് മരിച്ചത്. വര്‍ഷങ്ങളായി പ്രമേഹത്തെ തുടര്‍ന്ന് ചികിത്സ നടത്തിവരികയായിരുന്നു.

ബുധനാഴ്ച വൈകിട്ട് കുഴഞ്ഞുവീണ രഘുവിനെ ഉടന്‍ കാസര്‍കോട്ടെ ആശുപത്രിയിലെത്തിച്ചെങ്കിലും ഡോക്ടര്‍ പരിശോധിക്കുന്നതിനിടെ മരണത്തിന് കീഴടങ്ങുകയായിരുന്നു. ചുക്ര-ചോമാറു ദമ്പതികളുടെ മകനാണ്. ഭാര്യ: സുജാത. മക്കള്‍: രക്ഷിത, രക്ഷണ്‍. ഏക സഹോദരന്‍: ബാലകൃഷ്ണന്‍.