എന്‍ഡോസള്‍ഫാന്‍ രോഗബാധിതനായ പതിനഞ്ചുകാരന്‍ പനി ബാധിച്ചു മരിച്ചു
May 20, 2015, 10:41 IST
കാസര്‍കോട്: (www.kasargodvartha.com 20/05/2015) എന്‍ഡോസള്‍ഫാന്‍ രോഗബാധിതനായ പതിനഞ്ചുകാരന്‍ പനി ബാധിച്ചു മരിച്ചു. ബായാര്‍ ബില്ലാര്‍ മൂലയിലെ അബൂബക്കര്‍ - നഫീസ ദമ്പതികളുടെമകന്‍ മുഹമ്മദ് ഹാരിസ് ആണ് മരിച്ചത്. പനിയും ചുമയും ബാധിച്ചതിനെത്തുടര്‍ന്ന് ഹാരിസിനെ ഈ മാസം പതിനാറിനാണ് ആശുപത്രിയില്‍ പ്രവേശിപ്പിച്ചത്. ചൊവ്വാഴ്ച രാത്രിയോടെയാണ് മരണം.
കൈകാലുകള്‍ ശോഷിച്ചു വര്‍ഷങ്ങളായി കിടപ്പിലായിരുന്നു ഹാരിസ്. എന്‍ഡോസള്‍ഫാന്‍ ദുരിത ബാധിതരുടെ പട്ടികയില്‍ ഉള്‍പ്പെടുത്തണമെന്നവശ്യപ്പെട്ടു നിരവധി തവണ സര്‍ക്കാര്‍ ഓഫീസുകള്‍ കയറിയിറങ്ങിയെങ്കിലും ഫലമുണ്ടായില്ല. സഹോദരങ്ങള്‍: സുലൈമാന്‍, ഷാഹുല്‍ ഹമീദ്.
Tags
Share this story
