അരിമുറുക്കും കടലയും ഇഞ്ചിമുട്ടായിയുമായി ഉപ്പള അബ്ബാസ് ഇനി വരില്ല

By Webdesk ViJul 3, 2018, 17:32 IST

മേല്‍പ്പറമ്പ്:(www.kasargodvartha.com 03/07/2018) അരിമുറുക്കും കടലയും ഇഞ്ചിമുട്ടായിയുമായി ഉപ്പള അബ്ബാസ് (71) ഇനി വരില്ല. ട്രെയിനില്‍ കണ്ണൂര്‍ മുതല്‍ മംഗളൂരിവരെ യാത്ര ചെയ്യുന്ന ഏതൊരാള്‍ക്കും അബാസിനെ ഓര്‍മ്മയില്ലാതിരിക്കില്ല. നിറഞ്ഞ ചിരിയുമായി എത്തുന്ന അബാസില്‍ നിന്ന് കപ്പലണ്ടിയും ഇഞ്ചിമുട്ടായും മറ്റും വാങ്ങാന്‍ മുതിര്‍ന്നവരും കുട്ടികളും ഒരുപോലെ തിരക്കുകൂട്ടാറുണ്ടായിരുന്നു.

10 ദിവസമായി കാസര്‍കോട്ടെ സ്വകാര്യ ആശുപത്രിയില്‍ ശ്വാസം മുട്ടല്‍ അനുഭവപ്പെട്ടതിനെ തുടര്‍ന്ന് ചികിത്സയിലായിരുന്ന അബാസ് കഴിഞ്ഞ ദിവസമാണ് ഡിസാചാര്‍ജ് വാങ്ങി വീട്ടിലെത്തിയത്. എന്നാല്‍ ചൊവ്വാഴ്ച്ച രാവിലെ പെട്ടെന്ന് മരണം സംഭവിക്കുകയായിരുന്നു. ഉപ്പള സ്വദേശിയായ ഇദ്ദേഹം കീഴുരില്‍ വിവാഹം കഴിച്ച് 40 വര്‍ഷത്തോളമായി താമസിച്ചു വരികയായിരുന്നു.