കാഞ്ഞങ്ങാട്: സ്ത്രീധനമാവശ്യപ്പെട്ട് ഭര്ത്താവും ബന്ധുക്കളും പീഡിപ്പിക്കുകയും അഞ്ച് വയസുകാരിയായ മകളെ ഭര്ത്താവ് തടങ്കലില് വെച്ചതായും ആരോപിച്ച് യുവതി നല്കിയ പരാതിയില് കുട്ടിയെ കോടതിയില് ഹാജരാക്കാന് ഉത്തരവായി. പരപ്പ ക്ലായിക്കോട്ടെ മുന്തന്റെ മകള് ശ്രീജയാണ് തന്റെ മകള് നന്ദനയെ ഭര്ത്താവ് മുന്നാട്ടെ എച്ച്. രാജന് തടഞ്ഞ് വെച്ചതായി കോടതിയില് പരാതി നല്കിയത്. മടിക്കൈ മേക്കാട്ട് ഇംഗ്ലീഷ് മീഡിയം സ്കൂളിലെ വിദ്യാര്ത്ഥിയായ നന്ദനയുടെ പഠനം മുടങ്ങിയതായും പരാതിയില് പറയുന്നു. പരാതിയെ തുടര്ന്നാണ് കുട്ടിയെ കോടതിയില് ഹാജരാക്കാന് ഉത്തരവായത്. 2005 ഏപ്രില് അഞ്ചിനാണ് രാജനും ശ്രീജയും വിവാഹിതരായത്.
Keywords: Kanhangad, court-order, Housewife, Dowry
