Last survivor | ആമസോൺ വനത്തിലെ പേരറിയാത്ത ഗോത്രത്തിലെ അവസാനത്തെ വ്യക്തിയും മരിച്ചു; മറ്റുള്ളവരെയെല്ലാം വേട്ടക്കാരും തടി കടത്തുകാരും കൊന്നുതള്ളിയപ്പോൾ രക്ഷപ്പെട്ട ഏക വ്യക്തി; പതിറ്റാണ്ടുകളായി കാടിനുള്ളിൽ ഒറ്റയ്ക്ക് ജീവിതം

ബ്രസീലിയ: (www.kasargodvartha.com) ബ്രസീലിലെ ആമസോൺ കാടിനുള്ളിലെ തദ്ദേശീയ വംശത്തിലെ ഏക അംഗവും മരിച്ചു. ലോകത്തിലെ ഏറ്റവും ഏകാന്തനായ വ്യക്തിയായി അറിയപ്പെടുന്ന അദ്ദേഹം കുഴികൾ കുഴിച്ച് മൃഗങ്ങളെ വേട്ടയാടിയിരുന്നതായാണ് പറയുന്നത്. വംശത്തിലെ എല്ലാ അംഗങ്ങളുടെയും മരണശേഷം അദ്ദേഹം 26 വർഷം ഒറ്റയ്ക്ക് ചിലവഴിച്ചു.
   1980 കളിൽ, വേട്ടക്കാരുടെയും തടി കടത്തുകാരുടെയും സംഘങ്ങൾ അദ്ദേഹത്തിന്റെ വംശത്തിലെ മറ്റെല്ലാവരെയും വെടിവച്ചു കൊല്ലുകയായിരുന്നു. ഇദ്ദേഹം മാത്രം രക്ഷപ്പെടുകയായിരുന്നു. ബ്രസീലിയൻ ഗവൺമെന്റിന്റെ ട്രൈബൽ പ്രൊടക്ഷൻ ട്രസ്റ്റ് പലതവണ ശ്രമിച്ചിട്ടും അദ്ദേഹം ലോകവുമായി ബന്ധപ്പെടാൻ വിസമ്മതിച്ചു. തൽഫലമായി, രണ്ടര പതിറ്റാണ്ടിലേറെയായി അദ്ദേഹത്തിന് ഒറ്റയ്ക്ക് ജീവിക്കേണ്ടിവന്നു. ഈ ഗോത്രവർഗത്തിന്റെയോ വ്യക്തിയുടെയോ പേര് എന്തായിരുന്നുവെന്ന് ആർക്കും അറിയാൻ കഴിഞ്ഞിട്ടില്ല.