Accident | കാസർകോട്ട് വീണ്ടും ഓടോറിക്ഷ മറിഞ്ഞ് അപകടം; യുവാവ് മരിച്ചു

രാവിലെ 11 മണിയോടെ യാത്രക്കാരനെ ഇറക്കി മടങ്ങുന്നതിനിടെ പ്രകാശ് ഓടിച്ച ഓടോറിക്ഷ, മലയോര ഹൈവേ നിർമാണവുമായി ബന്ധപ്പെട്ട്‌ റോഡിന് സമീപം സ്ഥാപിച്ചിരുന്ന ഇന്റർലോക് കല്ലുകളിൽ ഇടിച്ച് മറിയുകയായിരുന്നുവെന്ന് സമീപവാസികൾ പറഞ്ഞു. ഓടിക്കൂടിയ പ്രദേശവാസികൾ, ഓടോറിക്ഷയുടെ അടിയിൽ പെട്ട പ്രകാശിനെ പുറത്തെടുത്ത് ബന്തിയോട്ടെ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു. മിത്തടുക്ക പട്ടികജാതി കോളനിയിലെ രാമ-കമല ദമ്പതികളുടെ മകനാണ്. ഭാര്യ: പവിത്ര. മക്കൾ: ജിഷ്ണു, ആദിഷ്. സഹോദരൻ: പ്രശാന്ത്.

ശനിയാഴ്ച രാത്രി 10 മണിയോടെ പൊടിപ്പള്ളത്ത് വെച്ച് ഓടോറിക്ഷ മറിഞ്ഞുണ്ടായ അപകടത്തിൽ ഗൃഹനാഥൻ മരിച്ചിരുന്നു. കുമ്പഡാജെ മുനിയൂരിലെ ഫഖ്‌റുദ്ദീന്റെ മകൻ മുഹമ്മദ് (45) ആണ് മരിച്ചത്. മുഹമ്മദ് ഓടിച്ചുപോവുകയായിരുന്ന ഓടോറിക്ഷ നിയന്ത്രണം വിട്ട് റോഡരികിലേക്ക് മറിയുകയായിരുന്നു. മംഗ്ളൂറിലെ ആശുപത്രിയിൽ വെച്ചാണ് ഇദ്ദേഹം മരിച്ചത്.

Keywords: Bandiyod, Accident, Death, Road Accident, Kumbadaje, Chevar, Driver, Kasaragod, Hospital, Mangalore, Another man died after autorickshaw overturned.