Protein | സസ്യാഹാരിയാണോ? ഈ 5 ഭക്ഷ്യ ഇനങ്ങളിൽ മുട്ടയേക്കാൾ കൂടുതൽ പ്രോട്ടീൻ അടങ്ങിയിട്ടുണ്ട്

• വെള്ളക്കടല

സാധാരണയായി ഏകദേശം ആറ് ഗ്രാം പ്രോട്ടീൻ ഒരു മുട്ടയിൽ കാണപ്പെടുന്നു. എന്നാൽ വെള്ളക്കടലയിൽ അര കപ്പിൽ ഏകദേശം എട്ട് ഗ്രാം പ്രോട്ടീൻ കാണപ്പെടുന്നു. സൂപ്പ് പോലെ നിങ്ങൾക്ക് പല തരത്തിൽ വെള്ളക്കടല കഴിക്കാം. കൂടാതെ അതിൽ മഗ്നീഷ്യം, ഫൈബർ, പൊട്ടാസ്യം, കാൽസ്യം എന്നിവയും അടങ്ങിയിട്ടുണ്ട്.

• പരിപ്പ്

പരിപ്പ് പ്രോട്ടീൻ്റെ നല്ലൊരു ഉറവിടമാണ്. ഏകദേശം എട്ട് ഗ്രാം പ്രോട്ടീൻ അരക്കപ്പ് പരിപ്പിലുണ്ട്. തവിട്ട്, പച്ച, കറുപ്പ്, മഞ്ഞ, ചുവപ്പ്, ഓറഞ്ച് തുടങ്ങി നിരവധി ഇനങ്ങളിലും നിറങ്ങളിലും പരിപ്പ് ലഭ്യമാണ്. ഈ പയറുവർഗങ്ങൾ മറ്റ് പയറുവർഗങ്ങളെ അപേക്ഷിച്ച് വേഗത്തിൽ വേവിക്കുന്നു, അതിനാൽ പാചകം ചെയ്യുന്നതിനുമുമ്പ് അവയെ കുതിർക്കേണ്ട ആവശ്യമില്ല.

• മത്തങ്ങ വിത്തുകൾ

ധാരാളം പോഷക​ഗുണങ്ങൾ അടങ്ങിയ പച്ചക്കറിയാണ് മത്തങ്ങ. എന്നാൽ, മത്തങ്ങയുടെ വിത്തും ആരോഗ്യകരവും പോഷകസമ്പന്നവുമാണ്. ഹൃദയത്തിന് ഗുണം ചെയ്യുന്ന ആരോഗ്യകരമായ കൊഴുപ്പുകളുടെയും നാരുകളുടെയും വിവിധ ആന്റിഓക്‌സിഡന്റുകളുടെയും സമ്പന്നമായ ഉറവിടമാണ് മത്തങ്ങ വിത്തുകൾ. ഇത് പുരുഷന്മാർക്ക് വളരെ ഉപയോഗപ്രദമാണ്. ഏകദേശം 30 ഗ്രാം മത്തങ്ങ വിത്തിൽ എട്ട് ഗ്രാമിൽ കൂടുതൽ പ്രോട്ടീൻ കാണപ്പെടുന്നു. ഇതുകൂടാതെ, ഇരുമ്പ്, സിങ്ക്, ചെമ്പ്, മഗ്നീഷ്യം, പൊട്ടാസ്യം, സെലിനിയം എന്നിവയുടെ മികച്ച ഉറവിടമാണിത്.

• ആല്‍മണ്ട് ബട്ടര്‍

വിവിധതരം നട്സ് കൊണ്ടുള്ള ബട്ടറുകള്‍ വിപണിയില്‍ ലഭ്യമാണ്. ഇതില്‍ ആല്‍മണ്ട് ബട്ട ജനപ്രിയമാണ്. മഗ്നീഷ്യം, വൈറ്റമിന്‍ ഇ, പൊട്ടാസ്യം എന്നിവ ധാരാളം അടങ്ങിയതാണ് ആല്‍മണ്ട് ബട്ടര്‍. കൂടാതെ പ്രോട്ടീൻ്റെ മികച്ച ഉറവിടമായി കണക്കാക്കപ്പെടുന്നു. രണ്ട് ടേബിൾസ്പൂൺ ആല്‍മണ്ട് ബട്ടറിൽ ഏഴ് ഗ്രാം പ്രോട്ടീൻ കാണപ്പെടുന്നു. വ്യായാമത്തിന് മുമ്പ് ഇത് വളരെ നല്ല ഊർജ സ്രോതസ്സാണ്. നിങ്ങൾക്ക് ഇത് വീട്ടിലും ഉണ്ടാക്കാം.

• ക്വിനോവ

ലോകത്തിലെ ഏറ്റവും ആരോഗ്യകരമായ ഭക്ഷണങ്ങളിലൊന്നാണ് ക്വിനോവ. സാധാരണയായി അരിക്കു പകരം ഉപയോഗിക്കാവുന്ന ഒരു ധാന്യം ആയാണ് കീൻവയെ പരിഗണിക്കാറ്. ഒരു കപ്പ് ക്വിനോവയിൽ ഏകദേശം ഏഴ് ഗ്രാം പ്രോട്ടീൻ കാണപ്പെടുന്നു. ഇത് വലിയ അളവിൽ നാരുകളാൽ സമ്പുഷ്ടമാണ്. നിങ്ങളുടെ കുടലുകളെ ആരോഗ്യകരമായി നിലനിർത്താൻ സഹായിക്കും.

വളരെയധികം പ്രോട്ടീൻ ഭക്ഷണം കഴിക്കുന്നതിൻ്റെ ദോഷങ്ങൾ

പ്രോട്ടീൻ നിങ്ങളുടെ ശരീരത്തിന് അത്യാവശ്യമായ ഒരു പോഷകമായി കണക്കാക്കപ്പെടുന്നു. നിങ്ങളുടെ പേശികൾക്കും മുടിക്കും ശരീരത്തിൻ്റെ പല ഭാഗങ്ങൾക്കും ആവശ്യമായ പോഷണം നൽകാൻ ഇത് സഹായിക്കുന്നു. എന്നാൽ നിങ്ങൾ വളരെയധികം പ്രോട്ടീൻ കഴിച്ചാൽ യൂറിക് ആസിഡിൻ്റെ പ്രശ്നം നിങ്ങളുടെ ശരീരത്തിൽ ഉണ്ടാകാം. വിദഗ്ധരുടെ അഭിപ്രായത്തിൽ, പ്രകൃതിദത്ത രൂപത്തിൽ ലഭിക്കുന്ന പ്രോട്ടീൻ കൂടുതൽ പ്രയോജനകരമാണ്. രോഗങ്ങളോ മറ്റോ ഉള്ളവർ പ്രോട്ടീൻ ഭക്ഷണങ്ങൾ ശീലമാക്കുന്നതിന് മുമ്പ് ഡോക്ടറുടെ അഭിപ്രായം തേടുക.

Keywords: News, National, New Delhi, Vegetarian Food, Healthy Diet Tips, Health Tips, Lifestyle, Egg, Protein, Foods With More Protein Than an Egg.
< !- START disable copy paste -->