ബാറിനുമുന്നില്‍ തലയ്ക്ക് വെട്ടേറ്റ് യുവാവിന് ഗുരുതരം

By Web Desk SUDec 16, 2019, 12:15 IST

ബേക്കല്‍: (www.kasaragodvartha.com 16.12.2019) ബാറിനുമുന്നില്‍ തലയ്ക്ക് വെട്ടേറ്റ് യുവാവിന് ഗുരുതരം. മാങ്ങാട് സ്വദേശി സജിത്തി(29)നാണ് തലയ്ക്ക് ഗുരുതരമായി പരിക്കേറ്റത്. കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ച സജിത്തിനെ പ്രഥമ ശുശ്രൂശയ്ക്ക് ശേഷം പരിയാരം മെഡിക്കല്‍ കോളജ് ആശുപത്രിയിലേക്ക് കൊണ്ടുപോയി.

ഞായറാഴ്്ച രാത്രി 10 മണിയോടെ പാലക്കുന്നിലെ ബാറിന് മുന്നിലാണ് സംഭവം. ചോരയില്‍ കുളിച്ച നിലയിലാണ് യുവാവിനെ കണ്ടെത്തിയത്. വെട്ടിയത് ആരാണെന്ന് വ്യക്തമായിട്ടില്ല. സമീപത്തെ സിസിടിവി ദൃശ്യങ്ങള്‍ പോലീസ് പരിശേധിച്ചുവരികയാണ്.

വെട്ടിയതാണോ ബിയര്‍ കുപ്പി കൊണ്ട് തലയ്ക്കടിയേറ്റതാണോ എന്ന് കൂടുതല്‍ പരിശോധനയില്‍ മാത്രമേ വ്യക്തമാവുകയുള്ളൂവെന്ന് ബേക്കല്‍ എസ്‌ഐ അജിത്കുമാര്‍ കാസര്‍കോട് വാര്‍ത്തയോട് പറഞ്ഞു. അതേസമയം കത്തി കൊണ്ടുള്ള വെട്ടാണ് ഏറ്റതെന്ന് ജനറല്‍ ആശുപത്രിയില്‍ സജിത്തിനെ പരിശോധിച്ച ഡോക്ടര്‍ വ്യക്തമാക്കിയിട്ടുണ്ട്.