കെ.പി.സി.സിയുടെ കേരള യാത്ര: ജില്ലയില് വിപുലമായ ഒരുക്കം; വാര്ഡില് നിന്നും 15,000 പിരിക്കും
Mar 9, 2013, 13:46 IST
ഇതിന്റെ ഭാഗമായി ഫെബ്രുവരി 11ന് കാസര്കോട് മുരളി മുകുന്ദ് ഓഡിറ്റോറിയത്തില് സംഘടിപ്പിക്കുന്ന പ്രത്യേക കണ്വെന്ഷനില് മുഖ്യമന്ത്രി ഉമ്മന്ചാണ്ടി, കെ.പി.സി.സി പ്രസിഡന്റ് രമേശ് ചെന്നിത്തല എന്നിവരടക്കം നിരവധി സംസ്ഥാന നേതാക്കള് സംബന്ധിക്കും.
ലോക സഭാ തെരഞ്ഞെടുപ്പിന് മുന്നോടിയായി പാര്ട്ടിയെ സജ്ജമാക്കുന്നതിനും ഫണ്ട് സമാഹരണത്തിനും വേണ്ടിയാണ് കേരള യാത്ര നടത്തുന്നത്. വാഹനത്തിലായിരിക്കും കേരള യാത്ര നടക്കുക. 140 നിയോജക മണ്ഡലങ്ങളിലും പര്യാടനം നടത്തുന്ന യാത്ര ആരംഭിക്കുന്നത് ഏപ്രില് 18ന് കാസര്കോട് ജില്ലയിലെ മഞ്ചേശ്വരത്ത് നിന്നാണ്.
കാസര്കോട് ജില്ലയിലെ 38 ഗ്രമ പഞ്ചായത്ത്, മൂന്ന് മുനിസിപ്പാലിറ്റി എന്നിവിടങ്ങളിലെ ഓരോ വാര്ഡുകളില് നിന്നായി 15,000 രൂപയാണ് ഫണ്ട് ശേഖരിക്കുന്നത്. ഇതില് കെ.പി.സി.സിയുടെ വിഹിതമായി 5,000 രൂപയും, വാര്ഡ് കമ്മിറ്റിയുടെ പ്രവര്ത്തനത്തിന് 4,000 രൂപയും, മണ്ഡലം കമ്മിറ്റി, ബ്ലേക്ക് കമ്മിറ്റി, ഡി.സി.സി എന്നിവയ്ക്ക് 2,000 രൂപ വീതവും നല്കും.
ഏറ്റവും കുറഞ്ഞത് പത്ത് രൂപയുടെ കൂപ്പണാണ്. കൂപ്പണുകള് പഞ്ചായത്ത് കമ്മിറ്റി മുഖാന്തരം വാര്ഡ് കമ്മിറ്റികള്ക്ക് കൈമാറും. അഞ്ച് നിയോജക മണ്ഡലങ്ങളിലെ തെരെഞ്ഞെടുത്ത കേന്ദ്രങ്ങളില് സംഘടിപ്പിക്കുന്ന വന് പൊതു യോഗത്തില്വെച്ച് തുക കെ.പി.സി.സി പ്രസിഡന്റിനെ ഏല്പിക്കും. ഫണ്ട് ശേഖരണത്തോടൊപ്പം ഗൃഹ സന്ദര്ശനം നടത്തി എല്ലാ വീടുകളിലും യാത്രയുടെ സന്ദേശമെത്തിക്കും.
വാര്ത്താസമ്മേളനത്തില് ഡി.സി.സി പ്രസിഡന്റ് സി.കെ ശ്രീധരന്, നേതാക്കളായ പി. ഗംഗാധരന് നായര്, അഡ്വ. എം.സി ജോസ്, പി.എ അഷ്റഫലി, പി.കെ ഫൈസല് എന്നിവര് സംബന്ധിച്ചു.
Keywords: K.P.C.C, Leadership,Chief minister, State,Members,D.C.C,Selected,Areas,Message,District,Kasaragod, Ramesh-Chennithala, Press meet, Oommen Chandy, Manjeshwaram, Panchayath, Committee, House, Kerala, Malayalam news, Kerala News, International News, National News, Gulf News, Health News, Educational News, Business News, Stock news, Gold News.
