ശ്രുതിയുടേത് വൈകല്യത്തോട് പൊരുതി നേടിയ വിജയം

മുട്ടിനു താഴെ ശൂന്യമായ വലതുകാലും ക്രമരഹിതമായ കൈവിരലുകളുമാണ് ശ്രുതിക്കുള്ളത്. ഇരു കൈകളിലുമായി എട്ടു വിരലുകള്‍ മാത്രമേ ശ്രുതിക്കുള്ളൂ. ഇടതുകൈ ഉപയോഗിച്ചാണ് ഈ മിടുക്കി എഴുതുന്നത്. ക്രിത്രിമ കാലിന്റെ സഹായത്തോടെയാണ് നടക്കുന്നത്. പത്താംതരം കഴിഞ്ഞപ്പോഴാണ് ശ്രുതിക്ക് ഒരു ക്രിത്രിമ കാല്‍ ലഭിക്കുന്നത്. അത് നടന്ന് തേഞ്ഞ് പൊട്ടല്‍ വീണിരിക്കുന്നു. പുതിയ ഒരു കാലിന് 30,000 രൂപയോളമാണ് വില.

പഠിച്ച ഡോക്ടറായതിനുശേഷം  സ്വന്തം നാട്ടില്‍ എന്‍ഡോസള്‍ഫാന്‍ ദുരിതമനുഭവിക്കുന്നവരെ ചികിത്സിപ്പിക്കണമെന്നാണ് ശ്രുതിയുടെ ആഗ്രഹം. എന്നാല്‍ കൂലിപ്പണിക്കാരനായ അച്ഛന്റെ തുച്ഛമായ വരുമാനത്തില്‍ സ്വപ്‌നങ്ങള്‍ക്കും ആഗ്രഹങ്ങള്‍ക്കും മങ്ങലേല്‍ക്കുന്നു.
പുതിയ ഒരു കൃത്രിമ കാലിനും ഉന്നത പഠനത്തിനുമുള്ള സഹായഹസ്തവുമായി നന്മയുള്ള മനസുകള്‍ വരുമെന്ന പ്രതീക്ഷയിലാണ് ശ്രുതി.