തെക്കിലില് മറിഞ്ഞ ടാങ്കര് ലോറിക്ക് മുകളിലേക്ക് മാങ്ങ കയറ്റിയ ടെമ്പോ മറിഞ്ഞു
May 30, 2013, 21:57 IST
കാസര്കോട്: കഴിഞ്ഞ ദിവസം ഗ്യാസ് ടാങ്കര് ലോറി മറിഞ്ഞ തെക്കില് വളവില് വീണ്ടും വാഹനാപകടം. ബുധനാഴ്ച രാത്രി 11 മണിയോടെ കണ്ണൂരില് നിന്ന് മാങ്ങകള് നിറച്ച് മംഗലാപുരത്തേക്ക് പോവുകയായിരുന്ന ടാറ്റ 407 ടെമ്പോയാണ് മറിഞ്ഞത്. നിസാരമായി പരിക്കേറ്റ ടെമ്പോ ഡ്രൈവറെ ആശുപത്രിയില് പ്രവേശിപ്പിച്ചു.
കഴിഞ്ഞ ദിവസം മറിഞ്ഞ ടാങ്കറിന് മുകളിലേക്കാണ് ടെമ്പോയും ചെന്നുവീണത്. ടെമ്പോയില് ഡ്രൈവര്ക്ക് പുറമെ മറ്റൊരാളും ഉണ്ടായിരുന്നുവെങ്കിലും അയാള്ക്ക് പരിക്കില്ല. മഴയെ തുടര്ന്ന് റോഡില് ഇന്റര്ലോക്ക് ചെയ്ത ഭാഗത്ത് വഴുക്കല് ഉണ്ടായതാണ് അപകടത്തിന് കാരണമെന്ന് കരുതുന്നു. ഇന്റര്ലോക്ക് ചെയ്ത റോഡ് കുഴിയുള്ള ഭാഗത്തേക്ക് ചെരിഞ്ഞ് കിടക്കുന്നതും റോഡിന് അരികു ഭിത്തി ഇല്ലാത്തതും മീനുമായി പോകുന്ന വണ്ടികളില് നിന്ന് വെള്ളം റോഡിലേക്ക് വീഴുന്നതും അപകടത്തിന് വഴിവെക്കുന്നു.
കൂടാതെ ഈ ഭാഗത്ത് റോഡില് ഹമ്പോ, വളവുണ്ടെന്ന് സൂചിപ്പിക്കുന്ന ബോര്ഡോ സ്ഥാപിക്കാത്തതും അപകടത്തിന് ആക്കംകൂട്ടുന്നു. മാങ്ങ കയറ്റിയ ടെമ്പോ ഇന്റര്ലോക്ക് ചെയ്ത ഭാഗത്തെത്തിയപ്പോള് ചെരിയുകയും വഴുതി കുഴിയിലേക്ക് പതിക്കുകയുമായിരുന്നു.
തെക്കില് വളവില് റോഡ് തകരുന്നതും അപകടം പതിവാവുകയും ചെയ്ത സാഹചര്യത്തിലാണ് വളവുകളില് മാസങ്ങള്ക്ക് മുമ്പ് ഇന്റര്ലോക്ക് പാകിയത്. എന്നാല് ഇന്റര്ലോക്ക് മൂലം അപകടങ്ങള് കുറയുകയല്ല, കൂടുകയാണ് ചെയ്തതെന്നാണ് അടുത്തിടെയുണ്ടായ അപകട പരമ്പരകള് വ്യക്തമാക്കുന്നത്. ടാങ്കര് ലോറി അപകടത്തില്പെടുന്നതിന് ദിവസങ്ങള്ക്ക് മുമ്പ് ഇപ്പോള് അപകടമുണ്ടായ സ്ഥലത്തു തന്നെ ഒരു കാറും അപകടത്തില്പെട്ടിരുന്നു.
മുഹമ്മദലി ശിഹാബ് തങ്ങളുടെ പേരമകനും കൂട്ടുകാരും സഞ്ചരിച്ച കാറാണ് അന്ന് അപകടത്തില്പെട്ടത്. ഇതിന് പുറമെ ബൈക്കുകളും മറ്റു ചെറുവാഹനങ്ങളും ഇവിടെ അപകടത്തില്പെടുന്നുണ്ട്. ബുധനാഴ്ച വൈകിട്ട് ഇതിനടുത്ത കാനത്തുംകുണ്ടില് കൊപ്രയുമായി പോവുകയായിരുന്ന ലോറി നിയന്ത്രണം വിട്ട് റോഡരികിലെ മണ്തിട്ടയില് ഇടിച്ചു നില്ക്കുകയായിരുന്നു.
അപകടം നിത്യ സംഭവമായ സാഹചര്യത്തിലും മഴക്കാലം കണക്കിലെടുത്തും പ്രദേശത്ത് സുരക്ഷാ സംവിധാനം ഏര്പെടുത്തണമെന്ന് നാട്ടുകാര് അധികൃതരോട് ആവശ്യപ്പെട്ടു. അപകട പ്രദേശങ്ങളില് ഹമ്പും അരിക് ഭിത്തിയും സ്ഥാപിക്കണമെന്നും റോഡിലെ ചെരിവ് നിവര്ത്തണമെന്നും ഇന്റര്ലോക്കിന് പകരം റോഡ് കോണ്ക്രീറ്റ് ചെയ്യണമെന്നും ആവശ്യം ഉയര്ന്നു. അപകടം ഉണ്ടായ സ്ഥലത്തിനടുത്ത രണ്ട് വീടുകളില് നിന്ന് ആളുകള് ഭീതിമൂലം താമസം മാറിയിട്ടുണ്ട്. ഈ ഭാഗത്തുകൂടി മദ്രസ- സ്കൂള് വിദ്യാര്ത്ഥികള് നടന്ന് പോകുന്ന വഴിയുമുണ്ട്. അപകടങ്ങള് പതിവായത് പ്രദേശ വാസികളെ ഭീതിയിലാഴ്ത്തിയിരിക്കുകയാണ്.
Related News: തെക്കിലില് ടാങ്കര് ലോറി 50 അടി താഴ്ചയിലെ വീട്ടുമുറ്റത്തേക്ക് മറിഞ്ഞു
ശിഹാബ് തങ്ങളുടെ പേരമകനും കൂട്ടുകാരും സഞ്ചരിച്ച കാര് തെക്കിലില് കൊക്കയിലേക്ക് മറിഞ്ഞു
Photos: Aboobacker Kandathil
Keywords : Accident, Driver, Injured, Tanker-Lorry, Hospital, Road, Kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.
കഴിഞ്ഞ ദിവസം മറിഞ്ഞ ടാങ്കറിന് മുകളിലേക്കാണ് ടെമ്പോയും ചെന്നുവീണത്. ടെമ്പോയില് ഡ്രൈവര്ക്ക് പുറമെ മറ്റൊരാളും ഉണ്ടായിരുന്നുവെങ്കിലും അയാള്ക്ക് പരിക്കില്ല. മഴയെ തുടര്ന്ന് റോഡില് ഇന്റര്ലോക്ക് ചെയ്ത ഭാഗത്ത് വഴുക്കല് ഉണ്ടായതാണ് അപകടത്തിന് കാരണമെന്ന് കരുതുന്നു. ഇന്റര്ലോക്ക് ചെയ്ത റോഡ് കുഴിയുള്ള ഭാഗത്തേക്ക് ചെരിഞ്ഞ് കിടക്കുന്നതും റോഡിന് അരികു ഭിത്തി ഇല്ലാത്തതും മീനുമായി പോകുന്ന വണ്ടികളില് നിന്ന് വെള്ളം റോഡിലേക്ക് വീഴുന്നതും അപകടത്തിന് വഴിവെക്കുന്നു.
കൂടാതെ ഈ ഭാഗത്ത് റോഡില് ഹമ്പോ, വളവുണ്ടെന്ന് സൂചിപ്പിക്കുന്ന ബോര്ഡോ സ്ഥാപിക്കാത്തതും അപകടത്തിന് ആക്കംകൂട്ടുന്നു. മാങ്ങ കയറ്റിയ ടെമ്പോ ഇന്റര്ലോക്ക് ചെയ്ത ഭാഗത്തെത്തിയപ്പോള് ചെരിയുകയും വഴുതി കുഴിയിലേക്ക് പതിക്കുകയുമായിരുന്നു.
തെക്കില് വളവില് റോഡ് തകരുന്നതും അപകടം പതിവാവുകയും ചെയ്ത സാഹചര്യത്തിലാണ് വളവുകളില് മാസങ്ങള്ക്ക് മുമ്പ് ഇന്റര്ലോക്ക് പാകിയത്. എന്നാല് ഇന്റര്ലോക്ക് മൂലം അപകടങ്ങള് കുറയുകയല്ല, കൂടുകയാണ് ചെയ്തതെന്നാണ് അടുത്തിടെയുണ്ടായ അപകട പരമ്പരകള് വ്യക്തമാക്കുന്നത്. ടാങ്കര് ലോറി അപകടത്തില്പെടുന്നതിന് ദിവസങ്ങള്ക്ക് മുമ്പ് ഇപ്പോള് അപകടമുണ്ടായ സ്ഥലത്തു തന്നെ ഒരു കാറും അപകടത്തില്പെട്ടിരുന്നു.
മുഹമ്മദലി ശിഹാബ് തങ്ങളുടെ പേരമകനും കൂട്ടുകാരും സഞ്ചരിച്ച കാറാണ് അന്ന് അപകടത്തില്പെട്ടത്. ഇതിന് പുറമെ ബൈക്കുകളും മറ്റു ചെറുവാഹനങ്ങളും ഇവിടെ അപകടത്തില്പെടുന്നുണ്ട്. ബുധനാഴ്ച വൈകിട്ട് ഇതിനടുത്ത കാനത്തുംകുണ്ടില് കൊപ്രയുമായി പോവുകയായിരുന്ന ലോറി നിയന്ത്രണം വിട്ട് റോഡരികിലെ മണ്തിട്ടയില് ഇടിച്ചു നില്ക്കുകയായിരുന്നു.
അപകടം നിത്യ സംഭവമായ സാഹചര്യത്തിലും മഴക്കാലം കണക്കിലെടുത്തും പ്രദേശത്ത് സുരക്ഷാ സംവിധാനം ഏര്പെടുത്തണമെന്ന് നാട്ടുകാര് അധികൃതരോട് ആവശ്യപ്പെട്ടു. അപകട പ്രദേശങ്ങളില് ഹമ്പും അരിക് ഭിത്തിയും സ്ഥാപിക്കണമെന്നും റോഡിലെ ചെരിവ് നിവര്ത്തണമെന്നും ഇന്റര്ലോക്കിന് പകരം റോഡ് കോണ്ക്രീറ്റ് ചെയ്യണമെന്നും ആവശ്യം ഉയര്ന്നു. അപകടം ഉണ്ടായ സ്ഥലത്തിനടുത്ത രണ്ട് വീടുകളില് നിന്ന് ആളുകള് ഭീതിമൂലം താമസം മാറിയിട്ടുണ്ട്. ഈ ഭാഗത്തുകൂടി മദ്രസ- സ്കൂള് വിദ്യാര്ത്ഥികള് നടന്ന് പോകുന്ന വഴിയുമുണ്ട്. അപകടങ്ങള് പതിവായത് പ്രദേശ വാസികളെ ഭീതിയിലാഴ്ത്തിയിരിക്കുകയാണ്.
Related News: തെക്കിലില് ടാങ്കര് ലോറി 50 അടി താഴ്ചയിലെ വീട്ടുമുറ്റത്തേക്ക് മറിഞ്ഞു
Photos: Aboobacker Kandathil
Keywords : Accident, Driver, Injured, Tanker-Lorry, Hospital, Road, Kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.
