സി.പി.എം ഉപരോധം തുടങ്ങി; താലൂക്ക് ഓഫീസ് പ്രവര്‍ത്തനം തടസപ്പെട്ടു

കാസര്‍കോട്: വിലക്കയറ്റത്തിനും സര്‍ക്കാരിന്റെ ജനവിരുദ്ധ നയങ്ങളള്‍ക്കുമെതിരെ സി.പി.എം മെയ് 20 മുതല്‍ 25 വരെ നടത്തുന്ന ദേശീയ പ്രക്ഷോഭത്തിന്റെ ഭാഗമായി തിങ്കളാഴ്ച നടത്തിയ ഉപരോധത്തെ തുടര്‍ന്ന് കാസര്‍കോട് താലൂക്ക് ഓഫീസിന്റെ പ്രവര്‍ത്തനം തടസപ്പെട്ടു.

രാവിലെ ആരംഭിച്ച ഉപരോധം വൈകിട്ട് അഞ്ച് മണി വരെ നീണ്ടു നില്‍ക്കും. സ്ത്രീകളടക്കം നൂറുകണക്കിന് ആളുകള്‍ താലൂക്ക് ഓഫീസ് കോംപൗണ്ടിലേക്കുള്ള വഴികളില്‍ നിലയുറപ്പിച്ച് ജീവനക്കാരെയും വിവിധ ആവശ്യങ്ങളുമായി എത്തിയ പൊതു ജനങ്ങളെയും അകത്തേക്ക് കടക്കുന്നത് തടഞ്ഞിരിക്കുകയാണ്. ഉപരോധം നടക്കുന്ന വിവരമറിയാതെ വിവിധ ആവശ്യങ്ങള്‍ക്കായി താലൂക്ക് ഓഫീസിലേക്കെത്തിയ ആളുകള്‍ക്ക് തിരിച്ചു പോകേണ്ടി വന്നു.

വിലക്കയറ്റവും അഴിമതിയും തടയുക, ഭൂമിക്കും പാര്‍പ്പിടത്തിനുമുള്ള അവകാശം ഉറപ്പാക്കുക, ഭക്ഷ്യ സുരക്ഷ ഉറപ്പാക്കുക, പൊതു വിതരണ സംവിധാനം ശക്തിപ്പെടുത്തുക, സാമൂഹിക നീതിയും സ്ത്രീ സുരക്ഷയും ഉറപ്പാക്കുക, ചില്ലറ വില്‍പന മേഖലകളിലേക്കുള്ള കുത്തകകളുടെ കടന്നു കയറ്റം തടയുക, കുടിവെള്ളം വില്‍പന ചരക്കാക്കരുത് തുടങ്ങിയ ആവശ്യങ്ങളുന്നയിച്ചാണ് ഉപരോധം. സമരം പി. കരുണാകരന്‍ എം.പി. ഉദ്ഘാടനം ചെയ്തു. മുന്‍ എം.എല്‍.എ. പി. രാഘവന്‍ അധ്യക്ഷത വഹിച്ചു. എം. രാജഗോപാലന്‍, എസ്. ഉദയകുമാര്‍ തുടങ്ങിയവര്‍ പ്രസംഗിച്ചു. കെ.വി. കുഞ്ഞിരാമന്‍ സ്വാഗതം പറഞ്ഞു.





Keywords:  Strike, CPM Worker, Woman, Kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.