മൃഗസംരക്ഷണ വകുപ്പ് ജില്ലയില് നാല് പദ്ധതികള് തുടങ്ങുന്നു
Sep 6, 2012, 23:22 IST
ബദിയടുക്ക പഞ്ചായത്തില് കാസര്കോട് കുറിയ ഇനം പശുവളര്ത്തല് ഫാം തുടങ്ങും. ബേഡഡുക്ക പഞ്ചായത്തില് മുട്ട വിരിയിക്കുന്ന ഹാച്ചറിയും, ബ്രോയിലര് കോഴി സംസ്കരണ യൂണിറ്റും തുടങ്ങും. കിനാനൂര് കരിന്തളത്ത് ആടു വളര്ത്തല് കേന്ദ്രവും ആരംഭിക്കുന്നതാണ്. പദ്ധതി നടപ്പിലാക്കാന് സ്പെഷ്യല് ഓഫീസര്മാരെ നിയോഗിക്കും. പദ്ധതിക്ക് ആവശ്യമായ സ്ഥലം ഉടന്തന്നെ ലഭ്യമാക്കാന് നടപടി സ്വീകരിച്ചിട്ടുണ്ട്.
പദ്ധതി നടപ്പാക്കുന്നത് സംബന്ധിച്ച് ജില്ലാ കളക്ടറുടെ ചേംബറില് ചേര്ന്ന യോഗത്തില് കൃഷി വകുപ്പ് മന്ത്രി കെ.പി.മോഹനന് അദ്ധ്യക്ഷത വഹിച്ചു. ജില്ലയില് മൃഗ സംരക്ഷണ വകുപ്പില് 21 വെറ്റിനറി ഡോക്ടര്മാരുടെ ഒഴിവുകള് നികത്താന് നടപടിയെടുക്കുമെന്ന് മന്ത്രി അറിയിച്ചു. ജില്ലയ്ക്ക് പുറത്ത് ജോലിചെയ്യുന്ന കാസര്കോട്ടുകാരായ ഏഴ് ഉദ്യോഗസ്ഥരെ ഉടന് ഈ ജില്ലയില് നിയമിക്കാന് നടപടി സ്വീകരിക്കും.
യോഗത്തില് കാര്ഷീകോല്പാദന കമ്മീഷണര് സുബ്രതോ ബിശ്വാസ്, ജില്ലാ കളക്ടര് മുഹമ്മദ് സഗീര്, മൃഗസംരക്ഷണ വകുപ്പ് ഡയറക്ടര് കെ.ജി.സുമ, സംസ്ഥാന ലൈവ്സ്റ്റേക്ക് ബോര്ഡ് എം.ഡി.ഡോ.ആനി എസ് ദാസ്, പൗള്ട്രി വികസന കോര്പറേഷന് എം.ഡി വി.സുനില്, ജില്ലാ മൃഗസംരക്ഷണ ഓഫീസര് വി.ആര്. മോഹനന് തുടങ്ങി വിവിധ ഉന്നത ഉദ്യോഗസ്ഥര് പങ്കെടുത്തു.
Keywords: Animal protection department, New Project, Kasaragod
