അസ്ഹര് വധം: വിധി 10 ന്
Dec 5, 2012, 21:08 IST
2009 നവംബര് 15 ന് കാസര്കോട് താളിപ്പടുപ്പിലെ സ്വകാര്യാശുപത്രിക്ക് സമീപത്തുണ്ടായ അക്രമ സംഭവത്തില് കുമ്പള ആരിക്കാടി കടവത്തെ ഇസ്മയിലിന്റെ മകന് മുഹമ്മദ് അസ്ഹര് (21) ആണ് കുത്തേറ്റു മരിച്ചത്. കൂടെയുണ്ടായിരുന്ന ആരിക്കാടി കടവത്തെ എ.കെ.മുനീര് (18), സൈനുദ്ദീന് (18) എന്നിവര്ക്കും പരിക്കേറ്റിരുന്നു.
കേസില് താളിപ്പടുപ്പിലെ എസ്. രമേശ് (21), ബങ്കരക്കുന്നിലെ സതീഷ് നായിക് (30), കൊറുവയലിലെ ബി. ശശിധരന് എന്ന ശശി (32), കേളുഗുഡ്ഡെ അയ്യപ്പ ഭജനമന്ദിരത്തിനു സമീപത്തെ കെ. സജിത് കുമാര് (19), ബി.കെ. പവന് കുമാര് എന്ന പവന് (26) എന്നിവരാണ് പ്രതികള്. കാസര്കോട് പോലീസ് അന്വേഷിച്ച കേസില് 27 സാക്ഷികളാണുള്ളത്.
കാസര്കോട് പുതിയ ബസ് സ്റ്റാന്ഡ് സമീപത്തുണ്ടായ പോലീസ് വെടിവെയ്പ്പില് ചെറുവത്തൂര് കൈതക്കാട് സ്വദേശി ഷഫീഖ് കൊല്ലപ്പെട്ടിരുന്നു. ഇതേ തുടര്ന്ന് ആളുകള് ചിതറി ഓടുന്നതിനിടയില് അസറുദ്ദീന് കുത്തേറ്റു മരിച്ചു എന്നാണ് പ്രോസിക്യൂഷന് കേസ്.
പ്രതികള്ക്കുവേണ്ടി കെ.പി.സി.സി. നിര്വാഹക സമിതിയംഗം കൂടിയായ അഡ്വ. സി.കെ.ശ്രീധരനാണ് ഹാജരായത്. ഇത് വലിയ രാഷ്ട്രീയ ഒച്ചുപ്പാടിന് ഇടയാക്കിയിരുന്നു. തളിപ്പറമ്പിലെ മുസ്ലീം ലീഗ് പ്രവര്ത്തകന് ഷുക്കൂര് കൊലക്കേസിലെ സ്പെഷ്യല് പ്രോസിക്യൂട്ടറാണ് സി.കെ.ശ്രധരന് . ലീഗ് പ്രവര്ത്തകര് കൊല്ലപ്പെട്ട രണ്ടുകേസുകളില് വാദിക്കും പ്രതിക്കും വേണ്ടി കോണ്ഗ്രസ് നേതാവായ സി.കെ.ശ്രീധരന് ഹാജരാകുന്നതാണ് വിവാദത്തിനിടയാക്കിയത്.
പ്രതിഷേധത്തിന്റെ ഭാഗമായി യൂത്ത് ലീഗ് നേതൃത്വത്തില് കാസര്കോട്, ചട്ടഞ്ചാല്, ഉദുമ എന്നിവിടങ്ങളില് പ്രതിഷേധ പ്രകടനങ്ങള് നടത്തുകയും ഉദുമയില് യൂത്ത് ലീഗ് പ്രവര്ത്തകര് ഫ്ളക്സ് ബോര്ഡ് ഉയര്ത്തുകയും ചെയ്തിരുന്നു. ഏറെ കോളിളക്കം സൃഷ്ടിച്ച കേസായതിനാല് അസ്ഹര് കൊലക്കേസ് വിധി ഏറെ ആകാംക്ഷയോടെയാണ് എല്ലാവരും ഉറ്റുനോക്കുന്നത്.
Keywords: Muslim-League, Murder, Police, Court-Order, Hospital, Attack, Injured, Case, Youth League, Congress, Leader, Kasaragod, Kerala, Malayalam News, Kerala Vartha.
