വാഹന പരിശോധനക്കിടെ വിദ്യാര്‍ത്ഥി കാറിടിച്ച് മരിച്ച സംഭവം; പ്രതിഷേധമിരമ്പി പ്രകടനം

കാസര്‍കോട്: (www.kasargodvartha.com 31.12.2017) വാഹന പരിശോധനക്കിടെ വിദ്യാര്‍ത്ഥി കാറിടിച്ച് മരിച്ച സംഭവത്തില്‍ നഗരത്തിൽ പ്രതിഷേധ പ്രകടനം നടത്തി. ഞായറാഴ്ച സന്ധ്യയോടെയാണ്  നാട്ടുകാരുടെയും യുവാക്കളുടെയും ആഭിമുഖ്യത്തില്‍ പ്രതിഷേധ പ്രകടനം സംഘടിപ്പിച്ചത്.

ശനിയാഴ്ച പുലര്‍ച്ചെ അണങ്കൂരില്‍ നടുറോഡില്‍ വെച്ച് ബൈക്ക് തടഞ്ഞ് പോലീസ് പരിശോധന നടത്തുന്നതിനിടെയാണ് കൊല്ലമ്പാടിയിലെ സുഹൈലിന് കാറിടിച്ച് ഗുരുതരമായി പരിക്കേറ്റത്. തുടര്‍ന്ന് മംഗളൂരുവിലെ ആശുപത്രിയില്‍ വിദഗ്ദ്ധ ചികിത്സ നല്‍കിയെങ്കിലും ശനിയാഴ്ച രാത്രിയോടെ മരണം സംഭവിക്കുകയായിരുന്നു.

അപകടം വരുത്തുന്ന രീതിയില്‍ വാഹന പരിശോധന നടത്തിയ പോലീസുകാര്‍ക്കെതിരെ കര്‍ശന നടപടി സ്വീകരിക്കണമെന്നാവശ്യപ്പെട്ടാണ് യുവാക്കള്‍ നഗരത്തില്‍ പ്രകടനം നടത്തിയത്. മുസ്ലിം യൂത്ത് ലീഗും അന്വേഷണം ആവശ്യപ്പെട്ട് രംഗത്തു വന്നിട്ടുണ്ട്. തിങ്കളാഴ്ച വൈകുന്നേരം നാലു മണിക്ക് കാസര്‍കോട് നഗരത്തില്‍ യൂത്ത് ലീഗ് പ്രകടനം നടത്തും.

< !- START disable copy paste -->